Víetnamska

Víetnamska (tiếng Việt) er þjóðtunga og opinbert mál Víetnam. Á þeim tíma þegar að landið var enn frönsk nýlenda kallaðist tungumálið annamska. Ástæðan fyrir þeirri nafngift var sú, að kínverska nafnið yfir Norður Víetnam á nýlendutímanum var Annam. Víetnamska er móðurmál Víetnama, sem eru 86% af öllum íbúum Víetnam, og u.þ.b. 3.000.000 brottfluttra Víetnama, mest í Bandaríkjunum. Málið er hluti af ástróasísku tungumálafjölskyldunni og hefur langflesta málhafendur innan þeirrar fjölskyldu. Flokkun víetnömsku til ástróasísku málaættarinnar er þó ekki óumdeild og vilja aðrir telja hana til taí-mála, meðal annars vegna þess að víetnamska er tónamál einsog taí-málin og ólíkt mon-khmer málunum. Enn aðrir telja víetnömsku vera skildleikalaust stakmál án sannaðra tengsla við önnur mál. Mikið af orðaforðanum er úr kínversku og var málið upprunlega skrifað með kínversku letri. Víetnamska letrið sem notast er við í dag er afbrigði af latneska stafrófinu, með tveimur auka aðgreiningamerkjum fyrir tóna og ákveðna stafi.

  Þessi málfræðigrein er stubbur. Þú getur hjálpað til með því að bæta við greinina.

Víetnamska tiếng Việt
Málsvæði	Víetnam, Bandaríkjunum, Kambódíu, Frakklandi, Ástralíu og Laos
Heimshluti	Suðaustur-Asía
Fjöldi málhafa	70-73 milljónir að móðurmáli, yfir 80 milljónir í heildina
Sæti	13.-17.
Ætt	Ástróasíatískt  Mon-khmerskt   Víet-muongskt    Víetnamska
Opinber staða
Opinbert tungumál	Víetnam
Stýrt af	engum
Tungumálakóðar
ISO 639-1	vi
ISO 639-2	vie
SIL	VIE
ATH: Þessi grein gæti innihaldið hljóðfræðitákn úr alþjóðlega hljóðstafrófinu í Unicode.