Ísrael í Söngvakeppni evrópskra sjónvarpsstöðva
yfirlit um þátttöku Ísraels í Eurovision / From Wikipedia, the free encyclopedia
Ísrael hefur tekið þátt í Söngvakeppni evrópskra sjónvarpsstöðva 43 sinnum síðan að frumraun landsins í keppninni átti sér stað árið 1973. Ísrael var leyft að taka þátt þar sem að Israel Broadcasting Authority (IBA) var virkur meðlimur í Sambandi evrópskra sjónvarpsstöðva (EBU). Ísrael hefur sigrað keppnina í fjögur skipti og hefur haldið keppnina tvisvar í Jerúsalem (1979 og 1999) og í einu sinni í Tel Avív (2019).
Ísrael | |
---|---|
Sjónvarpsstöð | Kan |
Söngvakeppni | The X Factor Israel (2022) |
Ágrip | |
Þátttaka | 43 (37 úrslit) |
Fyrsta þátttaka | 1973 |
Besta niðurstaða | 1. sæti: 1978, 1979, 1998, 2018 |
Núll stig | Aldrei |
Tenglar | |
Síða Kan | |
Síða Ísraels á Eurovision.tv |
Fyrsta þátttaka Ísraels reyndist árangursrík þar sem Ilanit endaði í fjórða sæti. Þar á eftir sigraði landið árin 1978 (Izhar Cohen & Alphabeta og lagið „A-Ba-Ni-Bi“) og 1979 (Milk and Honey og lagið „Hallelujah“). Árið 1980 hafnaði IBA að halda keppnina vegna fjárhagslegra ástæðna. Keppnin sem var svo haldin í Haag endaði á sömu dagsetningum og Yom HaZikaron (minningardagur Ísraels), og þar af leiðandi tók landið ekki þátt. Það er í eina skiptið sem að land sem sigrar, taki ekki þátt árið eftir. Besti árangur Ísraels á 9. áratugnum var annað sæti með Avi Toledano (1982) og Ofra Haza (1983). Fyrrum sigurvegari Izhar Cohen tók aftur þátt árið 1985 og endaði í fimmta sæti, áður en Duo Datz endaði í þriðja sæti árið 1991. Þriðji sigur Ísraels kom árið 1998 þegar Dana International vann með laginu „Diva“. Eden endaði svo í fimmta sæti árið 1999.
Frá innleiðingu undankeppnanna árið 2004 komst Ísrael ekki áfram í sex skipti. Árið 2005 kom tíunda topp-5 niðurstaða landsins með Shiri Maimon sem endaði í fjórða sæti. Eftir að hafa ekki komist áfram fjögur ár í röð (2011 – 2014), komst Nadav Guedj áfram árið 2015 og lenti í níunda sæti. Síðan þá hefur landið alltaf keppt í aðalkeppninni. Fjórði sigur Ísraels kom árið 2018 þegar Netta sigraði með laginu „Toy“.