ꦧꦸꦢꦪ
From Wikipedia, the free encyclopedia
Remove ads
ꦧꦸꦢꦪ ꦲꦶꦏꦸ ꦠꦼꦒꦼꦱ꧀ꦱꦺ ꦏꦧꦺꦃ ꦥꦩꦶꦏꦶꦂ ꦩꦤꦸꦁꦱ ꦏꦁ ꦱꦶꦥꦠ꧀ꦠꦺ ꦄꦧ꧀ꦱ꧀ꦠꦿꦏ꧀ ꦏꦁ ꦢꦶꦮꦸꦗꦸꦢ꧀ꦢꦏꦺ ꦢꦢꦶ ꦥꦺꦴꦭ ꦠꦶꦁꦏꦃ ꦭꦏꦸ ꦲꦶꦁ ꦩꦱꦫꦏꦠ꧀ ꦭꦤ꧀ ꦏꦱꦶꦭ꧀ ꦧꦸꦢꦪ ꦏꦁ ꦱꦶꦥꦠ꧀ꦠꦺ ꦥ꦳ꦶꦱꦶꦏ꧀. ꦢꦢꦶ ꦧꦸꦢꦪ ꦲꦶꦏꦸ ꦢꦸꦮꦺ ꦥꦺꦫꦁꦔꦤ꧀ ꦲꦸꦠꦮ ꦲꦸꦤ꧀ꦱꦸꦂ ꦏꦁ ꦠꦲꦥ꧀-ꦠꦲꦥ꧀ꦥꦺ ꦪꦲꦶꦏꦸ: ꦥꦶꦏꦶꦂꦫꦤ꧀ ꦲꦸꦠꦮꦶ ꦒꦒꦱ꧀ꦱꦤ꧀ ꦲꦸꦠꦮꦶ ꦲꦶꦣꦺ, ꦫꦱ, ꦭꦤ꧀ ꦤꦶꦪꦠ꧀. ꦏꦧꦺꦃ ꦒꦧꦸꦁꦔꦤ꧀ ꦥꦺꦫꦁꦔꦤ꧀ ꦲꦸꦠꦮ ꦲꦸꦤ꧀ꦱꦸꦂ-ꦲꦸꦤ꧀ꦱꦸꦂ ꦲꦶꦏꦸ ꦩꦸꦁ ꦲꦤ ꦲꦶꦁ ꦩꦤꦸꦁꦱ.
ꦗꦮ |
ꦠꦼꦩ꧀ꦧꦸꦁ ꦧꦸꦢꦪ ꦲꦶꦏꦸ ꦲꦱꦭ꧀ꦭꦺ ꦱꦏ ꦧꦱ ꦱꦤ꧀ꦱꦼꦏꦼꦂꦠ ꦪꦲꦶꦏꦸ "ꦧꦸꦢ꧀ꦢꦪꦃ" ꦏꦁ ꦲꦱꦭ꧀ꦭꦺ ꦱꦏ ꦠꦼꦩ꧀ꦧꦸꦁ "ꦧꦸꦣꦶ" ꦲꦸꦠꦮ ꦲꦏꦭ꧀. ꦲꦏꦭ꧀ ꦲꦶꦏꦸ ꦢꦢꦶ ꦱꦭꦃ ꦱꦶꦗꦶ ꦥꦿꦁꦏꦠ꧀ ꦲꦸꦠꦩ ꦩꦤꦸꦁꦱ ꦏꦁꦒꦺꦴ ꦔ꧀ꦭꦏꦺꦴꦤ꧀ꦤꦶ ꦲꦸꦫꦶꦥ꧀ ꦭꦤ꧀ ꦲꦺꦴꦫ ꦲꦤ ꦩꦏ꧀ꦭꦸꦏ꧀ ꦭꦶꦪ ꦏꦁ ꦢꦸꦮꦺ ꦲꦏꦭ꧀.
ꦩꦶꦠꦸꦫꦸꦠ꧀ ꦥꦿꦺꦴꦥ꦳ꦺꦱꦺꦴꦂ ꦏꦸꦚ꧀ꦕꦫꦤꦶꦁꦫꦠ꧀, ꦏꦧꦸꦢꦪꦤ꧀ ꦲꦶꦏꦸ ꦒꦧꦸꦁꦔꦤ꧀ ꦏꦧꦺꦃ ꦱꦶꦱ꧀ꦠꦼꦩ꧀, ꦒꦒꦱ꧀ꦱꦤ꧀, ꦠꦶꦤ꧀ꦢꦏ꧀ꦏꦤ꧀, ꦭꦤ꧀ ꦏꦱꦶꦭ꧀ ꦏꦂꦪ ꦩꦤꦸꦁꦱ ꦲꦶꦁ ꦩꦱꦫꦏꦠ꧀ ꦏꦁ ꦧꦶꦱ ꦢꦶꦥꦏꦺꦴꦭꦺꦃꦲꦏꦺ ꦭꦶꦮꦠ꧀ ꦱꦶꦤꦲꦸ.
Remove ads
ꦏꦧꦸꦢꦪꦤ꧀
ꦏꦧꦸꦢꦪꦤ꧀ ꦲꦶꦏꦸ ꦏꦱꦶꦭ꧀ ꦱꦏ ꦒꦧꦸꦁꦔꦤ꧀ ꦲꦸꦤ꧀ꦱꦸꦂ-ꦲꦸꦤ꧀ꦱꦸꦂ ꦥꦶꦏꦶꦂꦫꦤ꧀, ꦫꦱ, ꦭꦤ꧀ ꦤꦶꦪꦠ꧀ ꦏꦁ ꦢꦶꦮꦸꦗꦸꦢ꧀ꦢꦏꦺ ꦩꦤꦸꦁꦱ ꦏꦁꦒꦺꦴ ꦔ꧀ꦭꦏꦺꦴꦤ꧀ꦤꦶ ꦲꦸꦫꦶꦥ꧀.
ꦧꦸꦢꦪ ꦒꦺꦴꦭꦺꦴꦁꦔꦤ꧀ ꦩꦱꦫꦏꦠ꧀ ꦭꦸꦩꦿꦃ ꦢꦢꦶ ꦲꦸꦏꦸꦂꦫꦤ꧀ ꦣꦸꦮꦸꦂ ꦕꦼꦤ꧀ꦝꦺꦏ꧀ꦏꦺ ꦥꦼꦂꦫꦢꦧ꧀ꦧꦤ꧀.
ꦥꦺꦫꦁꦔꦤ꧀/ꦲꦸꦤ꧀ꦱꦸꦂ ꦧꦸꦢꦪ
ꦱꦏ ꦥꦶꦏꦶꦂꦫꦤ꧀, ꦫꦱ ꦲꦸꦠꦮ ꦥꦼꦫꦱꦲꦤ꧀ ꦭꦤ꧀ ꦤꦶꦪꦠ꧀ ꦲꦸꦠꦮ ꦏꦂꦱ ꦲꦶꦏꦸ ꦩꦤꦸꦁꦱ ꦔꦼꦩ꧀ꦧꦁꦔꦏꦺ ꦏꦧꦸꦢꦪꦤ꧀ ꦏꦁ ꦭꦸꦩꦿꦃꦲꦺ ꦢꦸꦮꦺ ꦱꦶꦥꦠ꧀-ꦱꦶꦥꦠ꧀ ꦏꦁ ꦥꦣ. ꦧꦧꦒ꧀ꦒꦤ꧀-ꦧꦧꦒ꧀ꦒꦤ꧀ ꦏꦱꦶꦭ꧀ ꦥꦼꦔꦼꦩ꧀ꦧꦁꦔꦤ꧀ ꦏꦧꦸꦢꦪꦤ꧀ ꦲꦶꦏꦸ ꦲꦤ꧀ꦠꦫꦤꦺ ꦲꦶꦁ ꦧꦧꦒ꧀ꦒꦤ꧀-ꦧꦧꦒ꧀ꦒꦤ꧀:
- ꦲꦒꦩ (ꦫꦺꦴꦲꦤꦶ): ꦱꦗꦠꦶꦤꦺ ꦩꦤꦸꦁꦱ ꦲꦶꦏꦸ ꦔꦿꦱ ꦊꦩꦃ, ꦲꦺꦴꦫ ꦩꦩ꧀ꦥꦸ ꦭꦤ꧀ ꦲꦶꦏꦶ ꦚ꧀ꦗꦭꦂꦫꦶ ꦩꦤꦸꦁꦱ ꦔ꧀ꦒꦺꦴꦭꦺꦏ꧀ ꦏꦁ ꦭꦸꦮꦶꦃ ꦩꦩ꧀ꦥꦸ, ꦏꦁ ꦔꦸꦮꦱꦤꦶ. ꦱꦏ ꦏꦺꦤꦺ ꦭꦲꦶꦂ ꦏꦼꦧꦸꦠꦸꦃꦲꦤ꧀ ꦏꦁ ꦱꦶꦥꦠ꧀ꦠꦺ ꦫꦺꦭꦶꦒꦶꦪꦸꦱ꧀, ꦔ꧀ꦒꦺꦴꦭꦺꦏ꧀ ꦏꦁ ꦱꦼꦗꦠꦶ, ꦢꦺꦮ ꦭꦤ꧀ ꦭꦶꦪꦤꦺ ꦏꦁ ꦤꦸꦮꦸꦃꦲꦏꦺ ꦱꦶꦱ꧀ꦠꦼꦩ꧀ ꦏꦼꦥꦼꦂꦕꦪꦤ꧀ ꦲꦤ꧀ꦠꦫꦤꦺ ꦄꦤꦶꦩꦶꦱ꧀ꦩꦼ, ꦣꦶꦤꦩꦶꦱ꧀ꦩꦼ ꦲꦸꦒ ꦠꦺꦴꦠꦺꦩꦶꦱ꧀ꦩꦼ ꦭꦤ꧀ ꦲꦸꦒ ꦲꦸꦥꦕꦫ/ꦫꦶꦠꦸꦮꦭ꧀ ꦏꦼꦥꦼꦂꦕꦪꦤ꧀ꦤꦺ.
- ꦱꦺꦴꦱꦶꦪꦭ꧀: ꦩꦤꦸꦁꦱ ꦲꦸꦒ ꦲꦺꦴꦫ ꦧꦶꦱ ꦲꦸꦫꦶꦥ꧀ ꦣꦺꦮꦺꦏ꧀ꦏꦤ꧀, ꦲꦶꦏꦶ ꦢꦢꦶ ꦤꦸꦮꦸꦃꦲꦏꦺ ꦒꦪꦸꦠ꧀ꦠꦤ꧀ ꦱꦢꦸꦭꦸꦂ, ꦠꦼꦠꦁꦒ ꦲꦸꦠꦮ ꦏꦺꦴꦩꦸꦤꦶꦠꦱ꧀ ꦏꦁ ꦭꦸꦮꦶꦃ ꦒꦼꦣꦺ ꦲꦸꦩ꧀ꦥꦩꦤꦺ ꦤꦒꦫ.
- ꦲꦺꦭ꧀ꦩꦸ ꦭꦤ꧀ ꦠꦺꦏ꧀ꦤꦺꦴꦭꦺꦴꦒꦶ: ꦩꦤꦸꦁꦱ ꦲꦸꦒ ꦧꦸꦠꦸꦃ ꦥꦲꦩ꧀ ꦲꦥ-ꦲꦥ ꦏꦁ ꦲꦤ ꦲꦶꦁ ꦱꦏꦶꦠꦂꦫꦺ ꦲꦸꦩ꧀ꦥꦩꦤꦺ ꦪꦺꦤ꧀ ꦧꦼꦔꦶ ꦲꦤ ꦭꦶꦤ꧀ꦠꦁ ꦤꦶꦁ ꦪꦺꦤ꧀ ꦲꦮꦤ꧀ ꦲꦤ ꦱꦽꦔꦺꦔꦺ, ꦲꦶꦏꦶ ꦔ꧀ꦭꦲꦶꦂꦫꦏꦺ ꦱꦶꦱ꧀ꦠꦼꦩ꧀ ꦏꦮꦿꦸꦃ ꦭꦶꦮꦠ꧀ ꦥꦼꦔꦩꦠ꧀ꦠꦤ꧀, ꦲꦸꦗꦶ ꦕꦺꦴꦧ, ꦭꦤ꧀ ꦱꦶꦤꦲꦸ. ꦏꦁꦒꦺꦴ ꦱꦼꦱꦼꦉꦥ꧀ꦥꦤ꧀ ꦭꦸꦮꦶꦃ ꦭꦚ꧀ꦗꦸꦠ꧀, ꦩꦤꦸꦁꦱ ꦢꦢꦶ ꦧꦸꦠꦸꦃ ꦥꦿꦁꦏꦠ꧀-ꦥꦿꦁꦏꦠ꧀ ꦏꦁ ꦢꦶꦪꦱ ꦔꦁꦒꦺꦴ ꦠꦺꦃꦤꦶꦏ꧀-ꦠꦺꦃꦤꦶꦏ꧀ ꦠꦶꦤꦼꦤ꧀ꦠꦸ.
- ꦧꦱ: ꦏꦺꦴꦩꦸꦤꦶꦏꦱꦶ ꦲꦤ꧀ꦠꦂ ꦩꦤꦸꦁꦱ ꦤꦸꦮꦸꦃꦲꦏꦺ ꦱꦶꦱ꧀ꦠꦼꦩ꧀ ꦧꦱ (ꦭꦺꦱꦤ꧀ ꦭꦤ꧀ ꦲꦸꦒ ꦠꦸꦭꦶꦱ꧀ꦱꦤ꧀) ꦲꦸꦒ ꦏꦊꦧꦸ ꦲꦶꦁ ꦏꦺꦤꦺ ꦧꦱ ꦆꦱꦾꦫꦠ꧀.
- ꦱꦼꦤꦶ: ꦏꦱꦶꦭ꧀ ꦱꦏ ꦥꦩꦶꦏꦶꦂ ꦩꦤꦸꦁꦱ ꦏꦁ ꦮꦸꦗꦸꦢ꧀ ꦲꦢꦠ꧀ ꦲꦸꦠꦮ ꦮꦸꦗꦸꦢ꧀ ꦗꦺꦴꦒꦺꦢ꧀, ꦱꦱ꧀ꦠꦿ, ꦱꦼꦤꦶ ꦫꦸꦥ, ꦭꦤ꧀ ꦭꦶꦪꦤꦺ.
- ꦭꦤ꧀ ꦭꦶꦪꦤꦺ
Remove ads
ꦮꦸꦗꦸꦢ꧀ ꦧꦸꦢꦪ
ꦱꦗꦠꦶꦤꦺ, ꦮꦸꦗꦸꦢ꧀ ꦏꦧꦸꦢꦪꦤ꧀ ꦲꦶꦏꦸ ꦭꦲꦶꦂ ꦱꦏ 3 ꦲꦸꦤ꧀ꦱꦸꦂ ꦧꦸꦢꦪ ꦪꦲꦶꦏꦸ:
- ꦥꦶꦏꦶꦂꦫꦤ꧀/ꦒꦒꦱ꧀ꦱꦤ꧀: ꦮꦸꦗꦸꦢ꧀ꦢꦺ ꦲꦺꦱꦶꦃ ꦄꦧ꧀ꦱ꧀ꦠꦿꦏ꧀ ꦲꦤ ꦲꦶꦁ ꦥꦶꦏꦶꦂꦫꦤ꧀ ꦩꦤꦸꦁꦱ ꦤꦶꦁ ꦲꦸꦒ ꦧꦶꦱ ꦢꦶꦠꦸꦭꦶꦱ꧀ꦱꦏꦺ. ꦲꦶꦏꦶ ꦧꦶꦪꦱ ꦢꦶꦲꦫꦤ꧀ꦤꦶ ꦮꦸꦗꦸꦢ꧀ ꦧꦸꦢꦪ ꦲꦮꦭ꧀ ꦏꦁ ꦧꦶꦱ ꦢꦶꦗꦧꦂꦫꦏꦺ ꦢꦢꦶ ꦲꦶꦣꦺ, ꦲꦗꦶ-ꦲꦗꦶ, ꦲꦠꦸꦂꦫꦤ꧀-ꦲꦠꦸꦂꦫꦤ꧀ ꦭꦤ꧀ ꦭꦶꦪꦤꦺ.
- ꦠꦶꦁꦏꦃ ꦭꦏꦸ: ꦮꦸꦗꦸꦢ꧀ꦢꦺ ꦮꦶꦱ꧀ ꦚꦠ ꦭꦤ꧀ ꦢꦢꦶ ꦏꦧꦶꦪꦱꦤ꧀ ꦲꦶꦁ ꦩꦱꦫꦏꦠ꧀.
- ꦏꦱꦶꦭ꧀ ꦧꦸꦢꦪ ꦏꦁ ꦢꦸꦮꦺ ꦮꦸꦗꦸꦢ꧀ ꦥ꦳ꦶꦱꦶꦏ꧀ (ꦲꦂꦠꦺꦥ꦳ꦏ꧀): ꦮꦸꦗꦸꦢ꧀ꦢꦺ ꦲꦸꦒ ꦮꦶꦱ꧀ ꦚꦠ ꦭꦤ꧀ ꦢꦸꦮꦺ ꦱꦶꦥꦠ꧀ ꦥ꦳ꦶꦱꦶꦏ꧀.
ꦢꦼꦊꦁ ꦲꦸꦒ
Wikiwand - on
Seamless Wikipedia browsing. On steroids.
Remove ads