Layar (aksara Jawa)

Layar punika salah satunggiling sandhangan panyigeging wanda ingkang dipun-ginakaken wonten ing aksara Jawi Hanacaraka. Sandhangan wau wujud tandha garis miring ing nginggil aksara, kapara radi melengkung katengen.

Kanggé kaginan sanès saking layar, mangga mirsani Layar (kapal)

Sandhangan panyigeg: Layar

Sandhangan layar lan tuladha cara pamasangipun

Angkah pamasangan sandhangan panyigeg layar punika supados aksara ingkang dipunpasangi sandhangan kalawau ungelipun lajeng dipunpungkasi kanthi ungel "r".

Contonipun: aksara "ga" dipunpasangi sandhangan panyigeg layar, ungelipun lajeng dados "gar".

Wonten ing salebeting baku Unicode versi 5.2 sandhangan layar punika wujud kodhe A982^[1]

Sandhangan layar wonten ing aksara Bali

Sandhangan layar punika ing aksara Bali dipunwastani surang dipun-ginakaken ing suku tembung ingkang mawi pola KVK (konsonan-vokal-konsonan) sarta KKVK (konsonan-konsonan-vokal-konsonan), lan konsonan pungkasan wujud fonèm /r/. Conto suku tembung ingkang dipunmaksadaken inggh punika: sar, tar, swar, plar, lll.

Ing salebetipun aksara Bali, fonèm /r/ (Ra, Ra repa, guwung, surang) lan nasal /ɳ/ (Na rambat) sami-sami minangka wargi murdhania (konsonan retrofleks (tarik-belakang), sanadyan miturut fonologi saleresipun Ra minangka konsonan alveolar) ing aksara Bali. Pramila, wonten ing peraturan aksara Bali, manawi fonèm /r/ dipunlajengaken déning nasal /n/, kanthi otomatis fonèm /n/ kasebat dados /ɳ/.^[2] Sacara prasaja, yèn sajeroning swiji tembung kakandhut surang (/r/), lan dipunlajengaken déning aksara Na kojong (/n/), aksara Na kojong kasebat owah dados Na rambat (/ɳ/). Conto tembung ingkang dipunmaksadaken inggih punika: warna, amarga, parna, lsp. Yèn disalin menyang aksara Bali, aksara n ing tembung-tembung kasebat dipunserat nganggé Na rambat.

Layar utawi surang saged dipunserat sisih-sisihan kaliyan pepet utawi ulu.Panulisanipun, pangangge swanten (pepet lan ulu) dipunru,iyinaken, lajeng dipunlajengaken layar utawi surang.

Conto pangginaan surang nalika satunggiling aksara sampun dipunpasangi tandha pepet lan ulu.

Ugi pirsani

• Hanacaraka
• Wignyan
• Cecak