Macan sumatra

Macan Sumatra (Panthera tigris sumatrae) inggih punika salah satunggalipun subspésiès macan ingkang asalipun saking Pulo Sumatra, Indonésia.^[2] Macan Sumatra kalebet salah satunggalipun saking enem subspésiès ingkang taskih wonten ngantos dumugi sapunika lan mlebet klasifikasi sato kéwan kritis ingkang kaancem cures (critically endangered) wonten ing dhaftar warni abrit spésiès kaancem cures ingkang dipunrilis déning Lembaga Konservasi Donya IUCN.^[3] Populasi Macan Sumatra alasan kinten-kinten namung wonten 400-500 kémawon, mliginipun ingkang gesangipun ing taman-taman nasional ing Sumatra.^[2] Uji genetik ingkang paling ènggal mratélakaken bilih wonten tandha-tandha genetik ingkang unik, ingkang dados pratandha bilih subspésiès punika gadhah kemungkinan saged ngrembaka dados spésiès ingkang kapisah, syaratipun inggih punika manawi spésiès punika saged kasil lestari.^[2]

Macan sumatra
Setatus konservasi
Kadrawasan Gedhé  (IUCN 3.1)[1]
Klasifikasi ngèlmiah
Karajan:	Animalia
Filum:	Chordata
Klas:	Mammalia
Ordho:	Carnivora
Famili:	Felidae
Génus:	Panthera
Spésies:	P. tigris
Subspésies:	P. t. sumatrae
Trinomial name
Panthera tigris sumatrae Pocock, 1929

Genetik lan évolusi

Analisa DNA mratelakaken wonten hipotésis bilih Macan Sumatra sampun dipunasingaken saking subspésiès macan sanèsipum sasampunipun wonten prastawa minggahipun toya sagara nalika jaman Pleistosen ngantos dumugi jaman Holosen (watawis 12.000 ngantos 6.000 taun ingkang kepengker).^[2] Kanthi prastawa kasebat lan sajarah wontenipun évolusi punika, Macan Sumatra miturut genetikipun dados bénten kaliyan sadaya subspésiès macan ing dharatan ageng (Asia) ingkang langkung caket gegayutanipun (genetikipun).^[2]

Pranala njawi

• Harimau sumatera semakin langka
• ProFauna Survey tentang Perdagangan Harimau di Sumatera Archived 2011-05-20 at the Wayback Machine.
• Archived 2017-06-04 at the Wayback Machine.
• Tijgeritorium: everything you want to know about tigers! Archived 2007-04-04 at the Wayback Machine.
• The Sumatran Tiger Trust
• Sumatran Tiger Conservation Program Archived 2008-05-15 at the Wayback Machine.
• Palm Oil Threat to Sumatran Tiger and Orangutan Archived 2008-02-25 at the Wayback Machine.
• Sumatran Tiger: WhoZoo
• Sumatran Tiger (Panthera tigris sumatrae)
• Endangered species: Sumatran tiger
• Save The Tiger Fund - Sumatran Tiger Archived 2007-06-03 at the Wayback Machine.
• Tiger Facts - Sumatran Tiger Archived 2013-12-31 at the Wayback Machine.
• Situs harimau sumatra Archived 2007-03-12 at the Wayback Machine.

Macan Sumatra ing taun 1926