From Wikipedia, the free encyclopedia
ბირანგის მთები (რუს. Бырранга горы) — მთები ტაიმირის ნახევარკუნძულის ჩრდილოეთ ნაწილში, კრასნოიარსკის მხარეში. შედგება პარალელური მთაგრეხილებისა და ვრცელი ტალღოვანი პლატოებისაგან. სიგრძე 1100 კმ, სიგანე 200 კმ-ზე მეტი, მაქსიმალური სიმაღლე 1146 მ. მდინარეების პიასინისა და ტაიმირის ხეობებით იყოფა აღმოსავლეთ, დასავლეთ და შუა ნაწილებად. აგებულია კამბრიულისწინა და პალეოზოური ტრაპებით (გაბრო-დიაბაზებით). ჰავა ცივი, მკვეთრად კონტინენტურია. იანვრის საშუალო ტემპერატურა –30°С,–33°С, ივლისისა 2°С, 10°С. გაზაფხული ივნისში იწყება. აგვისტოში საშუალო ტემპერატურა 0°С-ზე დაბლა ჩამოდის. ნალექები 120-400 მმ წელიწადში. დამახასიათებელია თანამედროვე გამყინვარება, რომლის საერთო ფართობია 50 კმ². მთები შემოსილია არქტიკული ტუნდრის მცენარეულობით, ჭარბობს ხავსი, მღიერები. ცხოველებიდან ბინადრობს ლემინგი, ჩრდილოეთის ირემი, არის პოლარული კაკაბი, თეთრი ბუ და სხვა.
ბირანგის მთები | |
---|---|
კოორდინატები: 76°00′ ჩ. გ. 108°00′ ა. გ. | |
ქვეყანა | რუსეთი |
სიმაღლე | 1146 მ |
სიგრძე | 1100 კმ |
სიგანე | 200 კმ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.