ელისაბედ I
From Wikipedia, the free encyclopedia
ელისაბედ I (ან ელიზაბეთ I, ინგლ. Elizabeth I) იგივე ქალწული დედოფალი (ინგლ. Virgin Queen) (დ. 7 სექტემბერი 1533 — გ. 24 მარტი 1603) — ინგლისისა და ირლანდიის დედოფალი ტიუდორების დინასტიიდან. ზეობდა 1559-1603 წლებში. ქორწინებაში არყოფნის გამო მეტსახელად ქალწული-დედოფალი შეარქვეს. მას ასევე უწოდებდნენ „გლორიანას“ (ინგლ. Gloriana) და „კეთილ დედოფალ ბესის“ (ინგლ. Good Queen Bess). ელისაბედის უშვილოდ გარდაცვალების შემდეგ ტიუდორების დინასტია შეწყდა.
სწრაფი ფაქტები კორონაცია:, მმართ. დასაწყისი: ...
ელისაბედ I | |
---|---|
Elizabeth I | |
ინგლისისა და ირლანდიის დედოფალი | |
კორონაცია: | 15 იანვარი 1559 |
მმართ. დასაწყისი: | 17 ნოემბერი 1558 |
მმართ. დასასრული: | 24 მარტი 1603 |
წინამორბედი: | მერი I |
მემკვიდრე: | ჯეიმზ I |
პირადი ცხოვრება | |
დაბ. თარიღი: | 7 სექტემბერი 1533 |
დაბ. ადგილი: | გრინვიჩი |
გარდ. თარიღი: | 24 მარტი 1603 |
გარდ. ადგილი: | რიჩმონდი |
დინასტია: | ტიუდორები |
მამა: | ჰენრი VIII |
დედა: | ანა ბოლეინი |
რელიგია: | ანგლიკანიზმი |
დახურვა
ზოგიერთი ისტორიკოსი ელისაბედის მმართველობის წლებს უწოდებს „ინგლისის ოქროს ხანას“, რაც ძირითადად დაკავშირებულია კულტურის აყვავებასა (შექსპირი, მარლოუ, ბეკონი და სხვ.) და ინგლისის როლის ზრდასთან მსოფლიო არენაზე (უძლეველი არმადის განადგურება, დრეიკი, რეილი, ოსტ-ინდოეთის კამპანია)