ვატიკანის გეოგრაფია უნიკალურია ქვეყნის პოზიციის გამო, იგი ურბანულად ჩაკეტილია რომში, იტალია. საერთო ფართობი 0,44 კმ2-ია, ეს არის მსოფლიოში ყველაზე პატარა თვითმმართველობის სახელმწიფო.
ქვეყანაში არ მოიპოვება ბუნებრივი რესურსები და არ შეიცავს ბუნებრივ რისკებს.
ტერიტორია და საზღვრები
ვატიკანის ფართობია 0.44 კმ2. მისი მთელი ტერიტორია ხმელეთია. მდინარე ტიბრი მიედინება მის აღმოსავლეთ საზღვართან. მთლიანი საზღვრის სიგრძე შეადგენს 3.2 კმ-ს. და ყველა მხრიდან ესაზღვრება იტალია. თითქმის მთლიანად შემოსაზღვრულია ძველი ქვის კედლით, რომლის სამხრეთ-დასავლეთ ნაწილს ლეონისის კედელი ჰქვია.
კლიმატი
სახელმწიფოში იგივე კლიმატია როგორიც რომში: ზომიერი, რბილი, წვიმიანი ზამთარი (სექტემბრიდან შუა-მაისამდე); ცხელი, მშრალი ზაფხული (მაისიდან სექტემბრამდე).
რელიეფი
ვატიკანი მდებარეობს დაბალ ბორცვზე. ამ ბორცვს ეძახდნენ ვატიკანის გორაკს (ლათ. Mons Vaticanus) იმ დროიდან სანამ არსებობდა ქრისტიანობა. არსებობს ეჭვი, რომ სახელი თავდაპირველად ეკუთვნოდა ეტრუსკულ ენას.
უკიდურესი წერტილები
ვატიკანის უკიდურესი წერტილების სია:
- ჩრდილოეთით: (41°54′26″ ჩ. გ. 12°27′19″ ა. გ.)
- სამხრეთით: (41°54′00″ ჩ. გ. 12°27′16″ ა. გ.)
- დასავლეთით: (41°54′07″ ჩ. გ. 12°26′44″ ა. გ.)
- აღმოსავლეთით: (41°54′08″ ჩ. გ. 12°27′30″ ა. გ.)
ვატიკანში ყველაზე დაბალი ადგილი 19,2 მ.-ია, ხოლო ყველაზე მაღალი - 76,2მ.
მიწათსარგებლობა
ქვეყნის ბუნება ძირითადად ურბანული სახისაა. ვატიკანის ტერიტორიაზე არ არის აგრიკულტურული ნაკვეთები. ვატიკანის გეოგრაფია არის მიწის რესურსის გამოყენების შესანიშნავი მაგალითი. ვატიკანი იძულებულია მოახდინოს მიწის ეკონომია სახელმწიფოს მცირე ზომის გამო. აქედან გაგმომდინარე, შენობებს უკავიათ სახელმწიფოს ტერიტორიის 50 % ნაკლები, ხოლო დანარჩენი ტერიტორია ღია ადგილებისა და პარკებისგან შედგება. ამავდროულად სახელმწიფოს ტერიტორიაზე არის რამდენიმე ობიექტი, რომელიც ხაზს უსვამს ვატიკანის სახელმწიფოებრივ სტატუსს - მათ შორისაა, სარკინიგზო ხაზები, შვეულმფრენის სადგომი, ფოსტები, რადიო, სამხედრო ყაზარმიები, მთავრობის სასახლე და ოფისები, უმაღლესი სასწავლებლები, კულტურისა და ხელოვნების ცენტრები და რამდენიმე საელჩო.
გარემო
2007 წლის ივლისში ვატიკანმა მიიღო წინადადება, რომლითაც იგი წლის ერთადერთი კარბონულად ნეიტრალური ქვეყანა გახდა უნგრეთში ვატიკანის კლიმატური ტყის შეწირვით. ამ ტყის ზომას უნდა გაებათილებინა ვატიკანის ნახშირორჟანგის ემისიის წლიური რაოდენობა.
საერთაშორისო ხელშეკრულებები
მხარე: ოზონის შრის დაცვა.
გაფორმდა, მაგრამ არ არის რატიფიცირებული: ჰაერის დაბინძურების შესახებ, გარემოს მოდიფიკაცია.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
