კონკორდის მოედანი

კონკორდის მოედანი, საფრანგეთში მეორე უდიდესი მოედანი. მდებარეობს პარიზში, შანზ-ელიზეს დასაწყისში, მე-8 ოლქში.

Place de la Concorde
ოლქი	VIII
უბანი	მადლენის უბანი
სიგრძე	360 მ
სიგანე	210 მ
შეიქმნა	1772
დაერქვა	1830
კონკორდის მოედანი

8e Arrt.

მსოფლიო მემკვიდრეობა UNESCO, ობიექტი № 600 ინგლ. • რუს. • ფრ.

ისტორია

1748 წელს პარიზის მმართველობამ კონკურსი გამოაცხადა ლუი XV-ის ქანდაკების აღსამართავად ადგილის შესარჩევად. გადაწყდა ქანდაკება აღემართად ტუილერის ბაღის ბოლოს მდებარე უბრალო მოედანზე, რომელსაც არავითარი სხვა დანიშნულება არ ჰქონდა. ამ მოედანს მაშინ "მბრუნავი ხიდის მოედანი" ეწოდა. 1753 წელს მოედნის მოსაწყობად გამოცხადდა კიდევ ერთი კონკურსი. კონკურსანტების მიერ მიწოდებული იდეებისგან არქიტექტურის სამეფო აკადემიის დირექტორმა, ანჟ-ჟაკ გაბრიელმა შეადგინა პროექტი, რომელიც დამტკიცებულ იქნა 1755 წელს. ლუი XV-ის ქანდაკების მშენებლობა დაიწყო ედმონ ბუშარდონმა და დაასრულა ჟან-ბატისტ პიგალმა. მისი ინაუგურაცია მოხდა 1763 წლის 20 ივნისს. საკუთრივ მოედნის მოწყობა კი დასრულდა 1772 წელს და მას ლუი XV-ის მოედანი დაერქვა.

რევოლუცია

საფრანგეთის რევოლუციის პერიოდში მოედანმა განსაკუთრებული როლი ითამაშა. 1789 წლის 13 ივლისს აქედან დაიწყო ბასტილიისკენ მსვლელობა. 6 ოქტომბერს ამ მოედნიდან შემოვიდნენ პარიზში დაბრუნებული ლუი XVI, მარი-ანტუანეტა და მემკვიდრე უფლისწული.

1792 წელს ლუი XV-ის მოედანს რევოლუციის მოედანი დაერქვა. მეფის ქანდაკება დაამსხვრიეს და მის მაგივრად თავისუფლების უზარმაზარი ქანდაკება აღმართეს.

1792 წელს ამ მოედანზე აღიმართა გილიოტინა, რომლითაც შედგა ლუი XVI-ის, შემდგომში რობესპიერისა და მისი თანამზრახველების სიკვდილით დასჯა.

1795 წლიდან ადგილს კონკორდის მოედანს უწოდებენ, ეს სახელი ოფიციალურად მკვიდრდება 1830 წელს.

კონკორდის მოედანი XIX-XX საუკუნეებში

რესურსები ინტერნეტში

• პარიზის ქუჩების ოფიციალური ნომენკლატურა დაარქივებული 2007-08-25 საიტზე Wayback Machine.
• კონკორდის მოედნის ფოტოები