![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/53/860-880_Lake_Shore_Drive.jpg/640px-860-880_Lake_Shore_Drive.jpg&w=640&q=50)
ლუდვიგ მის ვან დერ როე
From Wikipedia, the free encyclopedia
ლუდვიგ მის ვან დერ როე (Ludwig Mies van der Rohe, ნამდვილი სახელი Maria Ludwig Michael Mies — მარია ლუდვიგ მიქაელ მისი; დ. 27 მარტი, 1886, აახენი – გ. 17 აგვისტო, 1969, ჩიკაგო) — გერმანელი არქიტექტორი-მოდერნისტი, ფუნქციონალიზმის წამყვანი წარმომადგენელი. ალვარ აალტოს, ფრენკ ლოიდ რაიტს, ვალტერ გროპიუსისა და ლე კორბუზიესთან ერთად ის მიიჩნევა მოდერნისტული არქიტექტურის პიონერად.
![Thumb image](http://upload.wikimedia.org/wikipedia/commons/thumb/5/53/860-880_Lake_Shore_Drive.jpg/640px-860-880_Lake_Shore_Drive.jpg)
მის ვან დერ როე იყო ბაუჰაუსის ბოლო დირექტორი.[1] ნაციზმის გაძლიერების შემდეგ, ვინაიდან მათ დახურეს ბაუჰაუსის სკოლა და აკრძალეს მსგავსი იდეოლოგია, მის ვან დერ როე წავიდა აშშ-ში. მან აქ მალევე დაიწყო არქიტექტურული სკოლის ხელმძღვანელობა, არმორის ტექნოლოგიურ ინსტიტუტში, ჩიკაგო.
მისი დიდი სურვილი იყო აღმოეჩინა და დაემკვიდრებინა ახალი არქიტექტურული სტილი, რომელიც იქნებოდა თანამედროვეობის სრული ანასახი, როგორც კლასიკური და გოთიკური სტილი იყო საკუთარი ეპოქისთვის. მის მიერ დაპროექტებული შენობები კეთდებოდა თანამედროვე, სრულიად ახალი მასალებით, როგორიცაა სამრეწველო ფოლადი და მინის ფირფიტები. ის მიისწრაფვოდა მყარი ფორმებისაკენ ექსტერიერში და თავისუფალი სივრცისკენ ინტერიერში, რაც მიიღწეოდა სრულყოფილი და მარტივი ფორმებით. ის ხშირად ასოცირებულია მის საყვარელ აფორიზმებთან „ნაკლები არის მეტი“ („Less is more“) და „ღმერთი დეტალებშია“ (God is in the details").
1950-იან-60-იან წლებში დიდი ზეგავლენა მოახდინა აშშ-სა და დასავლეთ ევროპის არქიტექტორებზე.