![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/95/SantaCruz-PeritoMoreno-P2140146b.jpg/640px-SantaCruz-PeritoMoreno-P2140146b.jpg&w=640&q=50)
პერიტო-მორენო
From Wikipedia, the free encyclopedia
პერიტო-მორენო (ესპ. Perito Moreno) — მყინვარი სამხრეთ არგენტინაში, სანტა-კრუსის პროვინციაში, მდებარეობს პერიტო-მორენოს ეროვნულ პარკში. წარმოადგენს არგენტინის პატაგონიის ერთ-ერთ უმთავრეს ტურისტულ ღირსშესანიშნაობას.
ესპ. Perito Moreno | |
![]() | |
კოორდინატები: 50°30′ ს. გ. 73°08′ დ. გ. | |
ქვეყანა | ![]() |
ქედი | ანდები |
ფართობი | 250 კმ² |
სიგრძე | 30 კმ |
![Thumb image](http://upload.wikimedia.org/wikipedia/commons/thumb/f/ff/Perito_Moreno_Glacier_ice_fall.jpg/640px-Perito_Moreno_Glacier_ice_fall.jpg)
![Thumb image](http://upload.wikimedia.org/wikipedia/commons/thumb/1/1e/153_-_Glacier_Perito_Moreno_-_Grotte_glaciaire_-_Janvier_2010.jpg/640px-153_-_Glacier_Perito_Moreno_-_Grotte_glaciaire_-_Janvier_2010.jpg)
![Thumb image](http://upload.wikimedia.org/wikipedia/commons/thumb/a/af/158_-_Glacier_Perito_Moreno_-_Bateau_et_glacier_-_Janvier_2010.jpg/640px-158_-_Glacier_Perito_Moreno_-_Bateau_et_glacier_-_Janvier_2010.jpg)
მყინვარის ფართობია 250 კმ², სიგრძე 30 კმ. პერიტო-მორენო ერთ-ერთია ანდებში, არგენტინა-ჩილეს საზღვარზე მდებარე პატაგონიის მყინვარული მინდვრის 48 მყინვარიდან. ეს მყინვარული ველი მესამეა მსოფლიოში მტკნარი წყლის მარაგებს შორის.
პერიტო-მორენო პატაგონიის იმ სამ მყინვარს შორის შედის, რომელიც იზრდება. ზრდის მიზეზები დადგენილი არაა და გლაციოლოგებს შორის დავის საგანია.[1] [2]
პერიტო-მორენოს ენის სიგანე 5 კმ-ს აღწევს, საშუალო სიმაღლე ზღვის დონიდან 60 მ-ს. საშუალო სიღრმე 170 მ, ხოლო მაქსიმალური კი — 700 მ-ია. მისი გადაადგილების სიჩქარე შეადგენს 2 მეტრს დღეში (დაახლოებით 700 მ წელიწადში). მიუხედავად ამისა მისი მასის დანაკარგებიც დაახლოებით ამდენივეა, ამიტომ (მცირე გადახრების გათვალისწინების გარეშე) მყინვარის ენის სიგრძე ბოლო 90 წლის განმავლობაში არ შეცვლილა.