რაულ კასტრო
From Wikipedia, the free encyclopedia
რაულ მოდესტო კასტრო რუსი (ესპ. Raúl Modesto Castro Ruz; დ. 3 ივნისი, 1931) — კუბის სახელმწიფო საბჭოს პრეზიდენტი და 2008 წლიდან ასევე კუბის მინისტრთა საბჭოს პრეზიდენტი. 1950-იან წლებში, რაულ კასტრო მის ძმასთან, ფიდელთან ერთად აჯანყებულთა სარდალი იყო, ძალაუფლების ხელში ჩაგდების შემდეგ კი ფიდელ კასტროს უმცროსი ძმა ახალი რეჟიმის ერთ-ერთი უმნიშვნელოვანესი ფიგურა გახდა და სხვადასხვა დროს მუშაობდა როგორც სახელმწიფო საბჭოს პირველი ვიცე-პრეზიდენტი, მინისტრთა საბჭოს ვიცე-პრეზიდენტი, კუბის კომუნისტური პარტიის ცენტრალური კომიტეტის პოლიტბიურის ვიცე-მდივანი, შეიარაღებული ძალების მაქსიმუმ გენერალი. კუბის კონსტიტუციის 94-ე მუხლის თანახმად, სახელმწიფო საბჭოს პირველი ვიცე-პრეზიდენტი ითავსებს საპრეზიდენტო მოვალეობებს პრეზიდენტის ავადმყოფობის ან გარდაცვალების შემთხვევაში.
რაულ კასტრო Raúl Castro | |
კუბის კომუნისტური პარტიის ცენტრალური კომიტეტის პირველი მდივანი | |
---|---|
თანამდებობაზე ყოფნის დრო | |
19 აპრილი, 2011 – 19 აპრილი, 2021 | |
პრეზიდენტი | თვითონ მიგელ დიას-კანელი |
პრემიერ-მინისტრი | თვითონ მიგელ დიას-კანელი |
წინამორბედი | ფიდელ კასტრო |
მემკვიდრე | მიგელ დიას-კანელი |
თანამდებობაზე ყოფნის დრო | |
24 თებერვალი, 2008 – 19 აპრილი, 2018 | |
ვიცე-პრეზიდენტი | ხოსე რამონ მაჩადო მიგელ დიას-კანელი |
წინამორბედი | ფიდელ კასტრო |
მემკვიდრე | მიგელ დიას-კანელი |
თანამდებობაზე ყოფნის დრო | |
24 თებერვალი, 2008 – 19 აპრილი, 2018 | |
წინამორბედი | ფიდელ კასტრო |
მემკვიდრე | მიგელ დიას-კანელი |
დაბადებული | 3 ივლისი, 1931 (1931-07-03) (92 წლის) ბირანი, ოლგინის პროვინცია, კუბა |
ეროვნება | კუბელი |
პოლიტიკური პარტია | კუბის კომუნისტური პარტია |
მეუღლე | ვილმა ესპინი (1959-2007) |
შვილები | 4 |
პროფესია | ადვოკატი |
რელიგია | ათეიზმი |
2006 წლის 31 ივლისს რაულ კასტრომ დროებით შეითავსა სახელმწიფო საბჭოს პრეზიდენტის მოვალეობები ფიდელ კასტროს ავადმყოფობის გამო.
2008 წლის 24 თებერვალს, რაულ კასტრო ეროვნული ასამბლეის მიერ ოფიციალურად იქნა არჩეული პრეზიდენტად ფიდელ კასტროს შემდეგ.
2011 წლის 19 აპრილს, რაულ კასტრო კუბის კომუნისტური პარტიის მეექვსე ყრილობაზე მის პირველ მდივნად აირჩიეს, თუმცა მანამდე, თავისი ძმის მმართველობისას, 46 წლის განმავლობაში ის ამავე პარტიის მეორე მდივანი იყო.