არღუნი (მდინარე)

არღუნი^[1] (ჩეჩ. Чӏаьнтий-Орг) — მდინარე საქართველოში და ჩეჩნეთში, მდინარე სუნჯის მარჯვენა შენაკადი. სიგრძე 148 კმ, აუზის ფართობი 3,4 ათასი კმ². იწყება საქართველოში, პირიქითა ხევსურეთში, კავკასიონის მთავარი წყალგამყოფი ქედის ჩრდილოეთ კალთაზე, დათვისჯვრის უღელტეხილის მახლობლად. ზემო დინებაში არღუნი მთის სწრაფი მდინარეა, შუაწელში არღუნის ხეობა განიერდება, ქვემო დინებაში ვაკეზე გამოდის. საზრდოობს თოვლის, წვიმისა და მიწისქვეშა წყლით, აგრეთვე მარადიული თოვლისა და მყინვარების წყლით. წყალდიდობა გაზაფხულზე იცის, წყალმცირობა – ზამთარში. მთავარი შენაკადებია ანდაქი (საქართველოს ფარგლებში) და შაროარღუნი.

სხვა მნიშვნელობებისთვის იხილეთ არღუნი (მრავალმნიშვნელოვანი).

არღუნი (ჩეჩ. Чӏаьнтий-Орг)
შატილის ხეობა
ქვეყანა	საქართველო  რუსეთი
ტერიტორიული ერთეულები	მცხეთა-მთიანეთის მხარე (საქართველო) ჩეჩნეთი (რუსეთი)
სათავე	დათვისჯვარი 42°30′22″ ჩ. გ. 45°04′20″ ა. გ.
შესართავი	სუნჯა 43°21′12″ ჩ. გ. 45°56′47″ ა. გ.
სიგრძე	148 კმ
აუზის ფართობი	3400 კმ²
— სათავე, — შესართავი
არღუნი ვიკისაწყობში

ლიტერატურა

• აფხაზავა ი., ენციკლოპედია „საქართველო“, ტ. 1, თბ., 1997. — გვ. 217.

რესურსები ინტერნეტში

• შეგიძლიათ იხილოთ მედიაფაილები თემაზე „არღუნი“ ვიკისაწყობში.