ბაში-აჩუკი (ფილმი)
ფილმი From Wikipedia, the free encyclopedia
Remove ads
„ბაში-აჩუკი“ — ლეო ესაკიას ისტორიულ სათავგადასავლო ფილმი, აკაკი წერეთელის ამავე სახელწოდების ნაწარმოების მიხედვით. გადაღებულია 1956 წელს.
.jpg)
ფილმი თავისი პატრიოტული შინაარსით და განსაკუთრებით ოთარ კობერიძის გმირი ბაში-აჩუკი ქართველი ახალგაზრდობისათვის იქცა გმირობის, ვაჟკაცობის, თავდადების, სამშობლოსა და მოყვასის სიყვარულის ნათელ მაგალითად. ფილმი „ბაში-აჩუკი” ქართული კინემატოგრაფიის ერთ-ერთი ბრწყინვალე ნიმუშია, რაც განაპირობა კინორეჟისორის — ლეო ესაკიას შეკრებილმა მსახიობთა თამაშმა.
Remove ads
სიუჟეტი
ყურადღება! ქვემოთ მოყვანილია სიუჟეტის და/ან დასასრულის დეტალები.
ფილმი „ბაში-აჩუკი” შექმნილია აკაკი წერეთლის ამავე სახელწოდების მოთხრობის მიხედვით. სიუჟეტი სათავგადასავლო-ისტორიულია და ვითარდება XVII საუკუნის საქართველოში.
შიდა ომებით გაპარტახებულ საქართველოს თავს ესხმიან სპარსელები. უცხოელი დამპყრობლები დაუზოგავად არბევენ და აოხრებენ ქვეყანას; აწამებენ მოსახლეობას, მონებად მიჰყავთ ახალგაზრდობა. ყიზილბაშების წინააღმდეგ კახეთში იფეთქებს აჯანყება, რომელსაც ბიძინა ჩოლოყაშვილი მეთაურობს. ჩოლოყაშვილი ქსნის ერისთავებთან აგზავნის ბაში-აჩუკს და დახმარებას სთხოვს მათ. მალე აჯანყება მთელს საქართველოს მოედება. შეუპოვრად ებრძვის დამპყრობლებს ბაში-აჩუკი, რომლის დები სპარსეთის შაჰის ჰარამხანისათვის მიჰყავთ ყიზილბაშებს. ბაში-აჩუკი თავს ესხმის მტაცებლებს და ათავისუფლებს ტყვეებს. იგი მოულოდნელად გამოჩნდება ყიზილბაშების ბანაკში, მონაწილეობას მიიღებს სპარსელი ფალავნების შეჯიბრში და ამარცხებს ყიზილბაშების ფალავანს, გოლიათ აბდუშაჰილს. აქვე კლავს სამშობლოს მოღალატე მაყაშვილს და შემდეგ მთებში გადაიხვეწება. აბდუშაჰილი ეძებს მოწინააღმდეგეს, რათა ერთხელ კიდევ შეებრძოლოს. ამ ძებნაში შეხვდება ბაში-აჩუკის დას — მზისას, მათ ერთმანეთი შეუყვარდებათ. ამასობაში აჯანყებულთა რაზმები, ჩოლოყაშვილის მეთაურობით, თავს ესხმიან სპარსელების ციხე-სიმაგრეს. მტრის ცხენოსანი ლაშქარი, რომელსაც აბდუშაჰილი მეთაურობს, დანებდა ქართულ მხედრობას. ეს გადაწყვეტს ბრძოლის ბედს. ყიზილბაშები გარბიან. ბაში-აჩუკი გაუსწორდება შაჰის ნაცვალს — სელიმხანს.
Remove ads
როლებში
- ოთარ კობერიძე — ბაში-აჩუკი
- ლია ელიავა — მზისა და მთვარისა
- დოდო აბაშიძე — აბდუშაჰილი
- მედეა ჩახავა — მელანო
- დოდო ჭიჭინაძე — ნინო
- კონსტანტინე დაუშვილი — სელიმხანი
- იუსუფ კობალაძე — ბიძინა ჩოლოყაშვილი
- მერი დავითაშვილი — თიმსალ-მაკო
- გურამ საღარაძე — ფეიქარ მირზა
- მარინა თბილელი
- თამარ ციციშვილი — ერისთავის ქალი
- გიორგი შავგულიძე — ზაალ ერისთავი
- მიხეილ მგელაძე — სიმონ მაყაშვილი
- ალექსანდრე ეძგვერაძე — გაფრინდაული
- გივი თოხაძე
- გიორგი ტატიშვილი
- ნიკოლოზ წიკლაური — ყორჩიხანი
- შალვა ბეჟუაშვილი
- ირაკლი ქოქრაშვილი — მოურავი
- გიორგი ჟუჟუნაშვილი — მოხუცი მეომარი
- გრიგოლ კოსტავა — ფარნა
- მიხეილ ჩიხლაძე — გლეხი
Remove ads
კადრები ფილმიდან
რესურსები ინტერნეტში
Wikiwand - on
Seamless Wikipedia browsing. On steroids.
Remove ads