გრამი

გრამი (ფრანგ. gramme < ლათ. gramma და ბერძ. γράμμα [grámma] — „წონის მცირე საზომი“; შემოკლებითი აღნიშვნები: ქართული — გ, საერთაშორისო — g) — მასის ძირითადი ერთეული ერთეულთა CGS სისტემაში და მასის წილობითი ერთეული (0,001 კგ) ერთეულთა საერთაშორისო სისტემაში.

სხვა მნიშვნელობებისთვის იხილეთ გ (მრავალმნიშვნელოვანი).

ეს სტატია მასის საზომ ერთეულს ეხება. გამოსხივების შთანთქმული დოზის საზომი ერთეულის შესახებ იხილეთ გრეი (გრ).

კალმისტრის თავსახური, რომელიც დაახლოებით 1 გრამს იწონის

განისაზღვრება კილოგრამის ეტალონით (როგორც მისი მეათასედი ნაწილი). 1 გრამი უდრის 1 სმ³ ქიმიურად სუფთა გამოხდილი წყლის მასას მისი უდიდესი სიმკვრივის ტემპერატურაზე (დაახლოებით 4°C), 0,2% სიზუსტით.

გრამის მიმართება მასის სხვადასხვა ერთეულებთან ამგვარია:

• 1გ=10³ მგ
• 1გ=10^-3 კგ
• 1გ=10^-6 ტ
• 1გ=10^-5 ც

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 251.