ზაქათკარი

ზაქათკარი — სოფელი საქართველოში (მცხეთა-მთიანეთის მხარე), დუშეთის მუნიციპალიტეტში (ქვეშეთის ადმინისტრაციული ერთეული).^[1]

სოფელი
ზაქათკარი
ქვეყანა	საქართველო
მხარე	მცხეთა-მთიანეთის მხარემცხეთა-მთიანეთის მხარე
მუნიციპალიტეტი	დუშეთის მუნიციპალიტეტი
თემი	ქვეშეთი
კოორდინატები	42°26′24″ ჩ. გ. 44°31′20″ ა. გ.
ცენტრის სიმაღლე	1650 მ
მოსახლეობა	57[1] კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
საქართველო მცხეთა-მთიანეთის მხარე დუშეთის მუნიციპალიტეტი

მდებარეობს მდ. მთიულეთის არაგვის ხეობაში, კაიშაურის პლატოზე (დიდველზე), ზღვის დონიდან 1650 მ-ის სიმაღლეზე. ქალაქ დუშეთიდან დაშორებულია 70 კილომეტრით.

ისტორია

სოფლის სახელწოდება იქ მცხოვრებ ზაქაიძეთა გვარიდან მომდინარეობს. ზაქაიძე ყოფილა ხადის ერთ-ერთი ციხისთავი. ხადის ციხისთავები იხსენიებიან XIV საუკუნის ძეგლში — „ძეგლის დადებაში მეფეთ მეფისა გიორგის მიერ“. სოფელი ზაქათკარი იხსენიება არაგვის საერისთავოს 1781 წლის აღწერაში.

ზაქათკარის მიდამოებში შემორჩენილია ფეოდალური ხანის ციხესიმაგრის კომპლექსი, რომელსაც „ციხისთავიანთს“ უწოდებენ. სოფლის განაპირას, გალავნით შემოზღუდულ სასაფლაოს ტერიტორიაზე, დგას შუა საუკუნეების პატარა სამლოცველო, სამრეკლო და უზარმაზარი ლოდებით ნაშენი ზურგიანი კოშკის ნანგრევები. სოფლის მახლობლად, მთის თხემზე დგას განვითარებული შუა საუკუნეების ჯაღმიანთ ეკლესია.

დემოგრაფია

2014 წლის აღწერის მონაცემებით სოფელში ცხოვრობს 57 ადამიანი.

აღწერის წელი	მოსახლეობა	მამაკაცი	ქალი
1926[2]	104	56	48
2002[3]	81	43	38
2014[1]	57	30	27

ლიტერატურა

• ენციკლოპედია „საქართველო“, ტ. 3, თბ., 2014.

• საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 248-249.