კევინ ფაიგი

კევინ ფაიგი (ინგლ. Kevin Feige; (/ˈfaɪɡi/ FY-ghee; დ. 2 ივნისი, 1973) — ამერიკელი პროდიუსერი და Marvel Studios-ის პრეზიდენტი 2007 წლიდან.^[2] მის მიერ პროდიუსირებული ფილმების საერთო შემოსავალი 26.5 მილიარდ აშშ დოლარს აღემატება.^[3] იგი, აგრეთვე ამერიკის პროდიუსერთა გილდიის წევრია.

კევინ ფაიგი
ფაიგი 2014 წელს
მშობლიური სახელი	Kevin Feige
დაბადების თარიღი	2 ივნისი, 1973 (1973-06-02) (52 წლის)[1] ბოსტონი, მასაჩუსეტსი, აშშ
მოქალაქეობა	აშშ
ალმა-მატერი	სამხრეთ კალიფორნიის უნივერსიტეტი
დამსაქმებელი	Marvel Studios
მეუღლე(ები)	კეიტლინ ჯენერი
შვილ(ებ)ი	1

კევინ ფაიგი დაიბადა ბოსტონში, ხოლო გაიზარდა უესტფილდში, (ნიუ-ჯერსი). დაამთავრა უესტფილდის საშუალო სკოლა, შემდგომში კი — სამხრეთ კალიფორნიის უნივერსიტეტი.

2019 წელს მიიღო ოსკარის პირველი ნომინაცია ფილმისთვის „შავი პანტერა“ (2018)^[4] — Marvel-ის კინოსამყაროს პირველი ფილმი, რომელსაც გადაეცა ოსკარის ჯილდო. იმავე წელს მისი პროდიუსერობით გამოვიდა ფილმი „შურისმაძიებლები: დასასრული“ (2019), რომლის შემოსავალმა 2.7 მილიარდ აშშ დოლარს გადააჭარბა,^[5] რითაც იქცა ყველა დროის ყველაზე შემოსავლიან ფილმად, ისევე როგორც ყველაზე შემოსავლიან სუპერგმირულ ფილმად.

რესურსები ინტერნეტში

• შეგიძლიათ იხილოთ მედიაფაილები თემაზე „კევინ ფაიგი“ ვიკისაწყობში.
• კევინ ფაიგი კინოფილმების ინტერნეტ-მონაცემთა ბაზაში
• კევინ ფაიგი — Rotten Tomatoes