ნაგები

ნაგები — ხეობის ტიპის მყინვარი საქართველოში, სამეგრელო-ზემო სვანეთის მხარეში, მესტიის მუნიციპალიტეტში. მდებარეობს სვანეთის კავკასიონის სამხრეთ კალთაზე, მდინარე ენგურის აუზში. სიგრძე 5,5 კმ, ფართობი 6,4 კმ². მყინვარის ენა ეშვება ზღვის დონიდან 2430 მ სიმაღლემდე. ნაგები საზრდოობს მყინვარული ნაკადებითა და ზვავებით. მყინვარზე აქვს სათავე მდინარე წანერის ერთ-ერთ შენაკადს. ასვლა შეიძლება სოფელ ჟაბეშიდან.

სხვა მნიშვნელობებისთვის იხილეთ ნაგები (მრავალმნიშვნელოვანი).

ნაგები
კოორდინატები: 43°01′59″ ჩ. გ. 42°57′36″ ა. გ.
ქვეყანა	საქართველო
ტერიტორიული ერთეული	მესტიის მუნიციპალიტეტი
ქედი	სვანეთის კავკასიონი
ფართობი	6,4 კმ²
სიგრძე	5,5 კმ
ტიპი	ხეობური

ლიტერატურა

• ხაზარაძე რ., ქართული საბჭოთა ენციკლოპედია, ტ. 7, თბ., 1984. — გვ. 283.