ოძისი (ხაშურის მუნიციპალიტეტი)

ოძისი — სოფელი საქართველოში, შიდა ქართლის მხარის ხაშურის მუნიციპალიტეტში (ცოცხნარის თემი), ლიხის ქედის აღმოსავლეთ კალთაზე. ზღვის დონიდან 850 მეტრ სიმაღლეზე. ხაშურიდან 12 კმ.

სხვა მნიშვნელობებისთვის იხილეთ ოძისი (მრავალმნიშვნელოვანი)‎.

სოფელი
ოძისი
სოფელი ოძისი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	ხაშურის მუნიციპალიტეტი
თემი	ცოცხნარა
კოორდინატები	42°03′07″ ჩ. გ. 43°33′40″ ა. გ.
ცენტრის სიმაღლე	850 მ
მოსახლეობა	50[1] კაცი (2014)
ეროვნული შემადგენლობა	ქართველები 98,0 %
სასაათო სარტყელი	UTC+4
სატელეფონო კოდი	+995
საქართველო შიდა ქართლის მხარე ხაშურის მუნიციპალიტეტი
ოძისი ვიკისაწყობში

დემოგრაფია

2014 წლის აღწერის მონაცემებით სოფელში ცხოვრობს 50 ადამიანი.

აღწერის წელი	მოსახლეობა	კაცი	ქალი
2002[2]	56	26	30
2014[1]	50	29	21

ისტორია

ისტორიულად სოფელი ოძისი აბაზაძეთა საგვარეულოს საკუთრება იყო. იგი ისტორიულ წყაროებში პირველად მოიხსენიება 1693 წელს შედგენილ სიგელში, რომლის ავტორია ერეკლე I ნაზარალიხანის დედა ელენე. ეს სიგელი გაცემულია ზაალ აბაზაძის სახელზე: „ვისმინეთ აჯა და მოხსენება თქვენი და რაც დიდს გიორგი მეფეს აქეთ სხვატა მეფეთა და მეპატრონეთაგან წყალობა გჭირვებოდათ და ან გქონებოდათ: ... ოძისს ჟღენტი და ლიპარიტაშვილი, ნოზაური ვენახი, თქვენთვის გვიბოძებია“. 1715 წელს შედგენილი რუისის სამწყსოს დავთრის მიხედვით კი სოფელში ცხოვრობს 29 კომლი. მათი გვარებია: აბაზაძე, ღვარძლაძე, ჟღენტი, სალაყაია, მაჭარაშვილი, სოლოკაძე, ჯორელიშვილი, გვეხიძე, ბრეგვაძე, კომალაძე, ლიპარიტაშვილი, კიკნაძე. სოფელში შემთხვევით აღმოჩენილია რამდენიმე მნიშვნელოვანი არქეოლოგიური ნივთი.

ტოპონიმები

• აბაზაძეების მიწები — სახნავ-სათესი სოფლის სამხრეთით.
• აბაზაძეების წყარო — წყარო სოფელში.
• მრგვალი მინდორი — ადგილი სოფლის ჩრდილოეთით.
• ნაქელები — სახნავი სოფლის დასავლეთით.
• როზას ჭალები — სახნავი სოფლის ჩრდილოეთით.

იხილეთ აგრეთვე

• სოფელი ოძისი სატელაიტიდან

ლიტერატურა

• ქართული საბჭოთა ენციკლოპედია, ტ. 7, თბ., 1984. — გვ. 625.
• ლაბაძე ჯ., ტილიანას ხეობის სოფლების ისტორია, მასალები საქართველოს სოფლების ისტორიისათვის, ტ. IV, თბილისი, 2022