სამგორი (თბილისის მეტრო)

სამგორი — თბილისის მეტროპოლიტენის პირველი ხაზის ერთ-ერთი სადგური, რომელიც ისანის და ვარკეთილის სადგურებს შორის მდებარეობს. გაიხსნა 1971 წლის მაისში. არქიტექტორი ნ. ლომიძე.^[1] სამშენებლო სამუშაოები განახორციელა „თბილმეტრომშენმა“.^[2]

„სამგორი“
პირველი ხაზი
თბილისის მეტროპოლიტენი
ქვედა სადგურის მოსაცდელი დარბაზი
ამოსასვლელი	41°41′09″N 44°51′13″E
რაიონი	ისნის რაიონი
გახსნის თარიღი	5 მაისი, 1971; 54 წლის წინ (1971-05-05)
ტიპი	მიწისქვეშა, ზედაპირული კოლონური
ბაქნების რაოდენობა	1
ბაქნის ტიპი	კუნძულოვანი
ბაქნის სიგრძე	102 მ
არქიტექტორ(ებ)ი	ნ. ლომიძე
მშენებელი კომპანია	„თბილმეტრომშენი“
ქალაქში გასასვლელი	ქეთევან დედოფლის გამზირი
სამუშაო გრაფიკი	06:00—00:00
„სამგორი“ ვიკისაწყობში

მდებარეობს თბილისის რკინიგზის საკვანძო სადგურის „ნავთლუღის“ შენობასთან. აგებულია ღია წესით. მიწისზედა ვესტიბიული არა აქვს. მიწისქვეშა სადგურს უკავშირდება კიბით. ქვედა დარბაზში თეთრი სვეტების ორ რიგზე დაყრდნობილი კოჭოვანი გადახურვაა. ჭერიც თეთრია, კედლები – კონტრასტულად წითელი (კერამიკული პანოების ავტორები არიან მხატვრები: ი. ტაბიძე, რ. თორდია, ა. ხარებავა).^[1] სადგურში დამონტაჟებულია თანამედროვე ტიპის მონიტორები.

იხილეთ აგრეთვე

• თბილისის მეტროპოლიტენის სადგურების სია

რესურსები ინტერნეტში

• მეტროსადგური „სამგორი“ თბილისის მეტროს ოფიციალურ საიტზე^{[მკვდარი ბმული]}
• მეტროსადგური „სამგორი“ თბილისის ოფიციალური საიტის გზამკლვევში^{[მკვდარი ბმული]}