ვალენსიის ტბა, ტაკარიგუა (ესპ. Lago de Valencia) — ტბა ჩრდილოეთ ვენესუელაში. ადმინისტრაციულად ვრცელდება კარაბობოსა და არაგუის შტატებში. გაწოლილია კორდილიერა-დე-ლა-კოსტის აუზში, ზღვის დონიდან 410 მ სიმაღლეზე. ზედაპირის ფართობი 350 კმ². საშუალო სიღრმე 18 მ, მაქსიმალური სიღრმე 39 მ. აღმოსავლეთიდან დასავლეთისაკენ გადაჭიმულია დაახლოებით 29 კმ-ზე, ჩრდილოეთიდან სამხრეთისაკენ 16 კმ-ზე.[1] ქვეყნის მასშტაბით ფართობით მხოლოდ მარაკაიბოს ტბას ჩამორჩება. საზრდოობს ნაკადულებით. ტბაში საკმაოდ ბევრია მომცრო კუნძული, რომელთაგან ზოგიერთი დასახლებულია. გაუდინარია. ტბის ქვაბული წარმოიშვა დაახლოებით 2–3 მლნ. წლის წინ. გარკვეულ გეოლოგიურ პერიოდებში ტბა მთლიანად იყო დამშრალი. 1976 წლიდან მოყოლებული ტბის წყლის დონემ აიწია ახლომდებარე წყალშემკრებებიდან წყლის გადაგდების გამო. დღეისათვის ვალენსიის ტბა მის სანაპიროსთან განლაგებული ქალაქებისთვის, კერძოდ, მარაკაისთვის და ვალენსიისთვის რეზერვუარის ფუნქციას ასრულებს. ტბის ნაპირებზე მოჰყავთ ბამბა, შაქრის ლერწამი, თამბაქო, სიმინდი, ყავა, ხილი; მოშენებულია მსხვილი რქოსანი საქონელი.[1]
| ვალენსიის ტბა | |
|---|---|
 ვალენსიის ტბა | |
| კოორდინატები: 10°11′ ჩ. გ. 67°44′ დ. გ. | |
| მდებარეობა |  ვენესუელა
|
| სიმაღლე ზღვის დონიდან | 410 მ |
| სიგრძე | 39 კმ |
| სიგანე | 16 კმ |
| ფართობი | 350 კმ² |
| საშუალო სიღრმე | 18 მ |
| მაქსიმალური სიღრმე | 39 მ |
  | |
იხილეთ აგრეთვე
- ვენესუელის ტბების სია
სქოლიო
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
