Nikolay II

Nikolay II Aleksandrovich (russha Николай II Александрович; 1868-jıl 18-may, Carskoe selo — 1918-jıl 17-iyul, Ekaterinburg) — Golshteyn-Gottorp-Romanovlar dinastiyasınan bolgan eń sońǵi Pútkil Rossiya imperatori, Polsha patshası hám Finlyandiya ullı knyazi (1894-jil 1-noyabr — 1917-jil 15-mart). Gvardiya polkovnigi (1892); bunnan tisqarı, Ullı Britaniya monarxlarınan Ullı Britaniya Korolliq áskeriy-teńiz flotınıń admiralı (1908-jil 10-iyun) hám Ullı Britaniya armiyasınıń feldmarshalı (1915-jil 31-dekabr) ataqlarına iye bolǵan.

Nikolay II
russha Николай II Александрович
Imperator hám Pútkil Rossiya húkimdarı
Wákillik dáwiri 1894-jıl 1-noyabr — 1917-jıl 15-mart
Aldınǵı isker	Aleksandr III
Keyingi isker	Mixail I (de-yure) Georgiy Lvov (Waqıtsha húkimet baslıǵı sıpatında)
Polsha patshası
Wákillik dáwiri 1894-jıl 1-noyabr — 1917-jıl 15-mart
Aldınǵı isker	Aleksandr III
Keyingi isker	titul biykar etildi
Finlyandiya ullı knyazi
Wákillik dáwiri 1894-jıl 1-noyabr — 1917-jıl 15-mart
Aldınǵı isker	Aleksandr III
Keyingi isker	titul biykar etildi
Jeke maǵlıwmatları
Tuwılǵan sáne	18-may 1868-jılı(1868-05-18)
Tuwılǵan jeri	Carskoe selo, Rossiya imperiyası
Qaytıs bolǵan sáne	17-iyul 1918-jılı(1918-07-17) (50 jasta)
Qaytıs bolǵan jeri	Ekaterinburg
Dinastiyası	Romanovlar
Ómirlik joldası	Aleksandra Fyodorovna
Balaları	ulı: Aleksey qızları: Olga, Tatyana, Mariya, Anastasiya
Anası	Mariya Fyodorovna
Ákesi	Aleksandr III
Qolı

Nikolay II niń basqarıw dáwiri Rossiyanıń ekonomikalıq rawajlanıwı hám bir waqıttıń ózinde onda sociallıq-siyasiy qarama-qarsılıqlardıń kúsheyiwi, 1905-1907-jillar revolyuciyası, 1917-jil fevral revolyuciyası hám Oktyabr revolyuciyasına aylanǵan revolyuciyalıq háreket; sırtqı siyasatta — Uzaq Shigistaǵı ekspansiya, Yaponiya menen uris, sonday-aq, Rossiyanıń Evropa mámleketleriniń áskeriy bloklarında qatnasıwı hám Birinshi jáhán urısında qatnasıwı menen belgilendi.

Nikolay II 1917-jil marttaǵı Fevral revolyuciyası waqtında taxttan waz keship, shańaraǵı menen Carskoye Selodaǵi Aleksandrovskiy sarayında úy qamaǵında bolgan. 1917-jıldıń jazında waqıtsha húkimettiń qararı menen shańaraǵı hám jaqınları menen birge Tobolskke súrgin etilgen, 1918-jıldıń báhárinde bolshevikler tárepinen Ekaterinburgqa kóshirilgen, ol jerde 1918-jıldıń iyul ayında Ipatievtiń úyiniń jer tólesinde shańaraǵı hám tórt jaqını menen birge atıp taslanǵan.