Imaziɣen

Imaziɣen d imezdaɣ ineṣliyen deg tefriqt ugafa, d nutni i yellan d amur ameqqṛan deg yimezdaɣ n Tmazɣa/Tafriqt n ugafa, tutlayt-sen d Tamaziɣt, xas ma yella aṭas deg-sen ass-a la ttmeslayen Taɛrabt.

Imaziɣen

ⵉⵎⴰⵣⵉⵖⵏ, ⵎⵣⵗⵏ
Annay/Akenyal n yimaziɣen
Leḥsab
20–30 imelyan[1][2][3] – 50 imelyan[4]
Timnaḍin akked amur ameqqran n yimezdaɣen
Lmerruk	seg ≈ 14 imelyan[2] ar ≈ 20 imelyan[5][6][7][6]
Lezzayer	seg 9[2] ar ≈ 13 imelyan[6][8]
Libya	~3,850,000[4]
Tunes	110,000[9] ar ≈ 389,652[4]
Fṛansa	kter n 2 imelyan[10]
Tamuriṭanit	2,883,000 (2,768,000[11] & 115,000[12])
Nnijer	1,620,000[13]
Mali	850,000[14]
Biljik	500,000(Including descendants)[15]
Timura n Wadda	367,455(Including descendants)
Burkina Faso	50,000[16]
Maṣer	34,000[17] neɣ 1,826,580[4]
Kanada	37,060 (Including those of mixed ancestry)[18]
Israyel	3,500[19]
Iwunak Yedduklen	1,327[20]
Tutlayin
Tutlayin timaziɣin, ttwurant s Tifinaɣ neɣ s ugemmay Amaziɣ Alatin; Ddarja n Tefriqt Ugafa (gar Arabized Berbers)
Ddin
Amur ameqqran seg-sen tasunnit. Lbaqi ttekkin ɣer ifurkawen nniḍen n lislam (Taciɛit, Taɛibadit), Tamasiḥt (ladɣa Taprutistant),[21][22] Tudayt, akked liman aqdim
Igududen wid ay asen-yettilin
At tutlayin tifrusyawiyin nniḍen[23][24][25][26][27][28][29]

Imaziɣen ḥerren-d akal d ameqqran, yewweḍ seg wemda n Isiwan, deg Utaram (lɣerb) n Maṣer alamma d Targa Zewwaɣen d Muriṭanya, ɣef yiri n ugaraw Aṭlasi. Yuɣ lḥal, d Imaziɣen i d agdud n Tefriqt awḥid id-iḥerren anect-a n wakal, imi amur ameqqran deg yegduden ifriqiyen-nniḍen, tikwal sɛan kan akal d amecṭuḥ, tikwal bitt, cerken-t akked yegduden-nniḍen. Imaziɣen ttuneḥsaben d agdud n yiri (race) amellal, xas ma yella nettaf gar-asen aṭas n yimibriken d yiberkanen.

Aṭas n Yimaziɣen id-mazal la ttmeslayen tamaziɣt, rnu deg yiseggasen-a ineggura, aṭas n trebbaɛin timaziɣin id-yennulfan i wakken ad wtent ad ḥerzent tutlayt-nsent. Xas ma yella tantalyin (dialectes) i ttmeslayen Yimaziɣen mgaradent si tama ɣer tayeḍ, maca kkant-d akk seg yiwen n uẓar, seg yiwet n tutlayt, yernu yeshel ɣef waṭas n timaziɣin ad msegzunt(msefhament) gar-asent s tutlayt-nsent, xas ma yella mgaradent tentalyin-nsent.

Imaziɣen mazal ṭṭfen deg waṭas n wansayen (lɛaddat), ladɣa wid yettidiren di Merruk akk d Uneẓruf (ṣṣeḥra), dacu kan, ass-a, aṭas n wansayen imaziɣen i yellan ɣef yiri n nnger, la ten-ttaǧǧan medden yernu ur d asen-ttgen ara leqrar. Nnig waya, ula d tutlayt tamaziɣt la tettuɣal ɣer deffir deg waṭas n tamiwin n Tmazɣa, medden la d-ttaǧǧan, ilmeẓyen ur ttlemden ara, dɣa yessefk ad yettwaxdem kra n leqdic s lḥir i lmend n ussukkes n tutlayt di tmiwa-a.

Ass-a llan azal n 45 imelyan n imaziɣen deg ddunit merra.

Iɣsan d iẓuran imqqṛanen n Imaziɣen

• Iznaten (زناتة / إيزناتن )
• Iẓnagen ( ژناگة / صنهاجة / إيژناگن)
• Imṣmuden ( مصمودة / إيمسمودن )
• Iktamen (كتامة / إيكوتامن )
• Iɣumaren ( غمارة / إيغومارن) 
• Iguzulen ( جزولة / إيگوزولن) 
• Igdalen (جدالة / إيگدالن )
• Imdyunen ( مديونة / إيمديونن )
• Isedraten ( سدراتة / إيسدراتن )
• Infzawen ( نفزة / نفزاوة / إينفزاون )
• Izwawen ( زواوة / إيزواون )
• Ihuwwaren ( هوارة / إيهوارن) 
• Imssufen ( مسوفة / إيمسوفن) 
• Iskuren ( هسكورة / إيهسكورن )
• Imẓẓujen ( مژّوجة / إيمژّوجن )
• Imḍlasen ( مطالسة / إيمضالسن )
• Ihntaten ( هنتاتة / إيهنتاتن )
• Imɣran (مغراوة / إيمغرلن )
• Imknasen ( مكناسة / إيمكناسن )
• Imssiwan (إمسوان/مسيوة)
• Infeṭwak (فطواكة/إنفطواك)
• Iɣejdamen (غجدامة/إغجدامن)
• Inffusen (إنفوسن/نفوسة)
• Iḥaḥan (حاحا/إحاحان)
• Innultan (إنولتان/ولتانة)
• Igliwwa (إگليوا/گلاوة)
• Icawiyen (إشاوين/الشاوية)
• Imdɣren (إمدغرن/مدغرة أو مطغرة)
• Iwraben (إورابن/أوربة)
• Izwwaren (إزواغن/زواغة)
• Imɣilen (مغيلا/مغيلة)
• Iɣyyaten (إغياتن/غياثة)
• Ilwaten (إلواتن/لواتة)
• Iwrdiɣen (إورديغن/ورديغة)

Imaziɣen yettwasnen

Ẓer Imaziɣen ittwasnen

Daɣen

Ẓer Iqbayliyen ittwasnen

Wali

• Leqbayel
• Icawiyen
• Imuhaɣ (touareg)