![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5e/Tichodroma_muraria02_cropped.jpg/640px-Tichodroma_muraria02_cropped.jpg&w=640&q=50)
Дурэшбзу
From Wikipedia, the free encyclopedia
Дурэшбзу́ (лат-бз. Tichodroma muraria) — къэбцӀацӀэ лъэпкъщ.
? Дурэшбзу | ||||||||||||||||
---|---|---|---|---|---|---|---|---|---|---|---|---|---|---|---|---|
ЩӀэныгъэ хэкӀыгъэхэр | ||||||||||||||||
|
||||||||||||||||
Латин цӀэр | ||||||||||||||||
Tichodroma muraria Linnaeus, 1766 | ||||||||||||||||
И щӀыпӀэр | ||||||||||||||||
|
![Thumb image](http://upload.wikimedia.org/wikipedia/commons/thumb/6/62/Tichodroma_muraria_MHNT.ZOO.2010.11.184.1.jpg/640px-Tichodroma_muraria_MHNT.ZOO.2010.11.184.1.jpg)
И цыр Ӏувкъым, щабэ-лыдщ, зехъуэж илъэсым и зэманым дэкӀуу, илъэсым тӀо цы епхъыж. Теплъэ нэхъыщхьэр: тхыцӀэр щхъуэщ, щхьэщыгур нэхъ фӀыцӀафэщ, дамащхьэхэр плъыжьщ, къабзий пхъашэхэм хужь ӀэпапӀэхэр хэсщ. КӀэцӀыгъуэм жьэгъур, жьэбгъухэр, хулъащхьэр фӀыцӀэщ, бгъэр, кӀэ щӀагъыр щхъуэ фӀыцӀафэщ.
Дурэшбзур пщагуэщ, щхьэшхуэхэщ, пэ псыгъуэ кӀыхьхэщ, мащӀэу хуэкъуаншэу. Хъухэр нэхъ цӀыкӀущ. Щопсэу Еуропэмрэ Азиэмрэ. Ищхъэрэ Къуакъазым деж зыщӀыпӀи лъэтэжкъым, ауэ щымащӀэщ.
Щогъуалъхьэ къуэладжэ зэв куухэм, къыр бгы задэхэм. Абгъуэ щещӀ къыр зэгуэкӀыпӀэхэм, дурэшхэм. Нэхъыщхьэу ишхыр хьэпщххупщщ, ахэр ӀэкӀуэлъакӀуэу къыщӀех мывэ, жыглыц щӀагъым, къыдех дурэш зэвхэм. ЩӀымахуэм Ӏус лъыхъуэу къуажэхэм, къалэхэм къолъатэ. Апхуэдэу щалъэгъуа Налшыч, Владикавказ, Тебэрды, нэгъуэщӀ щӀыпӀэхэми. Дурэшбзум уэрэд жеӀэ, и макъыр жьгъыру, къабзэ лъэщщ.