Андрей Рэмович Белоусов
ресейлік саясаткер, Қорғаныс министрі (2024–) From Wikipedia, the free encyclopedia
Remove ads
Андрей Рэмович Белоусов (орыс. Андрей Рэмович Белоусов, Орысша айтылуы: [ɐnˈdrʲej ˈrɛməvʲɪd͡ʑ bʲɪɫɐˈusəf]; 17 наурыз 1959 жыл, Мәскеу) — ресейлік экономист, саясаткер және 2024 жылғы мамырдан Ресей Федерациясының Қорғаныс министрі. Бұрын Белоусов Премьер-министрінің Бірінші орынбасары (2020–2024), Ресей президентінің көмекшісі (2013–2020) және Экономикалық даму министрі (2012–2013) лауазымдарында болған.
.svg)
Remove ads
Отбасы және білімі
Белоусов 1959 жылғы 17 наурызда Мәскеуде дүниеге келген. Әкесі Рэм Александрович — Ұлы Отан соғысының ардагері, Мәскеу мемлекеттік халықаралық қатынастар институтында оқып, экономист болған.[2]
Мәскеу мемлекеттік университетінің экономика факультетінде оқып, оны 1981 жылы үздік бітірді. 2006 жылы Экономика ғылымдарының докторы болды.[2]
Мансабы
1981 жылдан 1986 жылға дейін Белоусов Орталық экономикалық математика институтының адам-машина жүйелерін модельдеу зертханасында сынақтан өтуші-зерттеуші, кейін кіші ғылыми қызметкер болды. 1991 жылдан 2006 жылға дейін Ресей ғылымдар академиясының Экономикалық болжау институтында зертхана меңгерушісі болды.[3] Ол 2000–2006 жылдар аралығында премьер-министрдің сыртқы кеңесшісі болды.[4]
Белоусов 2006–2008 жылдар аралығында екі жыл Экономикалық даму және сауда министрінің орынбасары қызметін атқарды.[4]
2008 жылдан 2012 жылға дейін ол Ресей Премьер-министрі аппаратының қаржы және экономика департаментінің директоры болды.[5]
Белоусовтың Ресей Федерациясының 1-сыныпты Ресей Федерациясының мемлекеттік кеңесшісі атағы бар.[6]
2012 жылғы 21 мамырда ол премьер-министр Дмитрий Медведев үкіметінің Экономикалық даму министрі болып тағайындалып,[4] Эльвира Набиуллинаның ізбасары болды.
2013 жылғы 24 маусымда ол Путиннің экономикалық мәселелер бойынша президент көмекшісі болып тағайындалды.
2020 жылғы 21 қаңтарда Белоусов Михаил Мишустиннің үкіметінде Ресей премьер-министрдің бірінші орынбасары болып тағайындалды.[7] 2020 жылғы 30 сәуір мен 19 мамыр аралығында Белоусовты Владимир Путин Ресей премьер-министрінің міндетін атқарушы болып тағайындады, ол Михаил Мишустинге коронавирус диагнозы қойылғаннан кейін оны уақытша алмастырды.[8][9] Politico хабарлауынша, Белоусов — Путиннің мұрагері болуы мүмкін тұлғалардың бірі.[10]
Remove ads
2024 жылғы 12 мамырда президент Путин 2024 жылғы 14 мамырда күшіне енген жарлық бойынша Сергей Шойгуды Қорғаныс министрі лауазымынан алды да, орнына Белоусовтың кандидатурасын ұсынды.[11] Белоусовтың кандидатурасын көп ұзамай Федерация Кеңесі қабылдаған.[12]
Санкциялануы
2022 жылғы 9 маусымнан бастап Ресейдің Украинаға басып кіруіне байланысты жоғары лауазымды шенеунік және Путиннің жақын ортасының мүшесі ретінде Украинаның жеке санкцияларына ұшырады.[13][14]
2022 жылғы 21 шілдеден бастап «Ресей олигархтарын санкцияланған ресейлік банктермен ынтымақтастықты жалғастыруға» және «2014 жылы Қырымды аннексиялауға қолдау көрсеткені үшін» Еуропа одағы елдерінің санкциялары бойынша.[15][16][17]
2022 жылғы 15 желтоқсаннан бастап ол АҚШ-тың ресейлік қаржы секторына қарсы санкциялар тізімінде.[18][19] 2023 жылғы 27 қаңтардан бастап жапониялық санкцияларда.[20] 2023 жылғы 24 ақпаннан бастап Канаданың санкциялық тізіміне «режимнің жақын серіктері» енгізілген.[21][22] 2023 жылғы 19 мамырда ол Ресей темір жолдары директорлар кеңесінің төрағасы ретінде Ұлыбританияның санкцияларына да ұшырады.[23] 2023 жылғы 20 шілдеден бастап оған Аустралия «Ресейдің Украинаға заңсыз басып кіруін тікелей немесе жанама қолдаудағы рөлі» үшін санкциялады.[24]
Remove ads
Дереккөздер
Wikiwand - on
Seamless Wikipedia browsing. On steroids.
Remove ads