Виктория (Ұлыбритания патшайымы)

Патшайым Виктория (ағылш. Queen Victoria, 24 мамыр 1819 жыл, Лондон – 22 қаңтар 1901 жыл, Уайт аралы) — Ұлыбритания және Ирландия Біріккен Патшалығының жетінші ханшайымы, 1876 жылдан өмірінің соңына дейін Үндістан патшайымы болды. Ганновер әулетінен шыққан ол — герцог Эдуард Август пен герцогиня Викторияның қызы болды. Виктория Ұлыбритания монархтарының арасындағы билікте ұзақ уақыт отырған билеушілердің бірі, ол 63 жыл және жеті ай үстемдік етті.

Виктория ағылш. Victoria
Лауазымы
Ту Ұлыбритания және Ирландия патшайымы Ту
20 маусым 1837 — 22 қаңтар 1901
Тәж кигізу жорасы	28 маусым 1838
Ізашары	IV Уильям
Ізбасары	VII Эдуард
Ту Үндістан патшайымы Ту
1 мамыр 1876 — 22 қаңтар 1901
Ізашары	лауазымы құрылды
Ізбасары	VII Эдуард
Өмірбаяны
Дүниеге келуі	24 мамыр 1819 (1819-05-24) Кенсингтон сарайы, Лондон, Англия
Қайтыс болуы	22 қаңтар 1901 (1901-01-22) (81 жас) Осборн-хаус
Жерленді	Фрогмор-хаус, Уайт аралы, Англия
Династия	Ганновер әулеті
Туған кездегі есімі	Кент ханшайымы Александрина Виктория (ағылш. Princess Alexandrina Victoria of Kent)
Әкесі	Эдуард Август, Кент герцогі
Анасы	Виктория Саксен-Кобург-Заальфельд
Жұбайы	Альберт Саксен-Кобург-Гот
Балалары	Виктория, Альберт Эдуард, Алиса, Альфред, Елена, Луиза, Артур, Леопольд, Беатриса
Қолтаңбасы
Монограммасы
өңдеу

Виктория билік құрған жылдар "Виктория ғасыры" деп аталды. "Виктория ғасырында" біріккен корольдікте өнеркәсіп, әлеуметтік-экономикалық салалар және технология едәуір қарыштап дамыды. 1830 жылы Парламент уақытша басқару туралы заң қабылдап, анасы Виктория Сакскен-Кобургты уақытша билік жүргізетін регент етіп тағайындады.^[1]

Балалық шағы

1817 жылы ханзада регенттің (кейінірек Джордж IV) қызы Шарлотта ханшайым қайтыс болғанда, III Джорджтың 15 баласының ешбір заңды ұрпағы қалған жоқ. Сондықтан 1818 жылы оның үш ұлы, Кларенс, Кент және Кембридж герцогтары мұрагерлікті қамтамасыз ету үшін бірінен соң бірі жарыса үйленді. Бұл жарыстың жеңімпазы III Джорджтың төртінші ұлы — Кент герцогі Эдуард болды. Оның нәрестесіне Александрина Виктория деген есім берілді. Ол қайтыс болғаннан кейін және 1820 жылы IV Джордж таққа отырғаннан кейін Виктория таққа мұрагерлік қатарында үшінші атанды.

Виктория, өз сөзі бойынша, "өте қарапайым тәрбие көрген". Викторияның балалық шағы Кенсингтон сарайында өткен. Әкесі қайтыс болғандықтан, анасының ағасы Леопольд кішкентай Викторияға әке орнын басты^[2].

1836 жылы Викторияның нағашы ағасы Леопольд, Викторияны өзінің ағасының ұлы-Альберт Ханзадаға үйлендіргісі келді.^[3] Алайда, Уильям IV Викторияны ол әулетке жақындатқысы келмеді. Керісінше, оны Нидерланды Ханзадасы Александрға тұрмысқа бергісі келді.

Викторияның жазбаларына сүйенсек, ол о бастан ақ Альбертті ұнатып қалады. Өз күнделігіне Альберттің бет әлпеті сүйкімді екенін жазады. Ал Александрды болса, тым қарапайым көрді.^[4]