Виктор Вячеславович Храпунов

Виктор Вячеславович Храпунов (24 қазан 1948 жыл, Предгорное ауылы, Глубокое ауданы, Шығыс Қазақстан облысы) — белгілі қазақстандық саясаткер. Алматы қаласы мен Шығыс Қазақстан облысының бұрынғы әкімі.

Виктор Вячеславович Храпунов
Лауазымы
Ту Төтенше жағдайлар министрі
11 қаңтар 2007 — 1 қараша 2007
Ізашары	Шалбай Құлмаханов
Ізбасары	Владимир Божко
Ту Шығыс Қазақстан облысының 7-әкімі
8 желтоқсан 2004 — 11 қаңтар 2007
Ізашары	Талғатбек Абайділдин
Ізбасары	Жәнібек Кәрібжанов
Ту Алматы қаласының 3-әкімі
16 маусым 1997 — 9 желтоқсан 2004
Ізашары	Шалбай Құлмаханов
Ізбасары	Иманғали Тасмағамбетов
Ту Энергетика және табиғи ресурстар министрі
4 наурыз 1997 — 16 маусым 1997
Ізашары	лауазым пайда болды; Энергетика және көмiр өнеркәсiбi министрі ретінде өзі
Ізбасары	лауазым жойылды; Энергетика, индустрия және сауда министрі ретінде Асығат Жабағин
Ту 2-Энергетика және көмiр өнеркәсiбi министрі
наурыз 1995 — 4 наурыз 1997
Ізашары	Владимир Кармаков
Ізбасары	лауазым жойылды; Энергетика және табиғи ресурстар министрі ретінде өзі
Өмірбаяны
Білімі	Өскемен индустриалды техникумы (1970), Алматы энергетика институты (1977), Алматы жоғары партия мектебі
Мамандығы	техник, инженер-электрик, саясаттанушы
Азаматтығы	КСРО (1948—1991) →  Қазақстан (1991—2008) →  Швейцария (2008 бері)
Дүниеге келуі	29 қазан 1948 (1948-10-29) (76 жас) Предгорное ауылы, Глубокое ауданы, Шығыс Қазақстан облысы, Қазақ КСР, КСРО
Жұбайы	Ләйлә Храпунова ​ ​ (үйл. 1998; аж. 2014)​
Балалары	Даниэль (1996 туған)
өңдеу

Қысқаша өмірбаяны

1948 жылы 24 қазанда Шығыс Қазақстан облысы, Глубокое ауданының Предгорное ауылында туған.

1970 ж. — Өскемен индустриалды техникумын (техник — жылу-технигі).

1977 ж. — Алматы энергетика институтын (инженер-электрик).

Алматы Жоғары партия мектебін саясаттанушы мамандықтары бойынша бітіріп шыққан. Экономика ғылымдарының докторы. Еңбек жолын Алматы жылу электр орталығының кезекші слесарь, жөндеу жөніндегі слесарі, шебер болудан бастаған.

Алматы жылу электр орталығы өндірістік-техникалық бөлімінің аға инженер-технологы, жабдықтарды жөндеу жөніндегі қазандық цехы бастығының орынбасары, құбырлар цехының бастығы;

1985—1986 жылдары Алматы қалалық жылу желілері кәсіпорнының бас инженері;

1986—1989 жылдары Алматы қаласы Ленин аудандық атқару комитетінің төрағасы;

1989—1991 жылдары Алматы қалалық партия комитетінің екінші хатшысы;

1991—1992 жылдары Алматы қалалық кеңесі төрағасының бірінші орынбасары — қалалық атқару комитетінің төрағасы;

1992—1995 жылдары Алматы қаласы әкімінің бірінші орынбасары;

1995—1997 жылдары ҚР Энергетика және көмір өнеркәсібі министрі, ҚР Энергетика және табиғи ресурстар министрі қызметтерін атқарған.^[1]

1997 жылдан 2004 ж. желтоқсанына дейін Алматы қаласының әкімі қызметін атқарды.

2004 ж. желтоқсанынан Шығыс Қазақстан облысының әкімі.

2007 ж. қаңтар айынан Қазақстан Республикасы Төтенше жағдайлар министрі.

2007 ж. 1 қарашада Премьер-министр Кәрім Мәсімовтың жер ұйымдастыруда өткізілген кемшіліктерге байланысты ұсынысымен мемлекет басшысы жарлығымен Виктор Вячеславович Храпунов Қазақстан Республикасы Төтенше жағдайлар министрі қызметінен босатылды.

Отбасы

Үйленген (1998). Жұбайы — Ләйлә Қалибекқызы Храпунова (1958 жылы туған). 1990 жылы Қазақстандағы алғашқы жеке телекомпанияның бірі «ТАҢ» телерадиокомпаниясының негізін қалап, 1998 жылы Мұхтар Әблязовқа сатқан. 1994—1995 жылдары «Қазақстан теледидары мен радиосы» республикалық корпорациясының президенті болған.^[2]

Үш баласы бар. Ұлдары — Ильяс Храпунов (1984 жылы туған), Даниэль Храпунов (1996 жылы туған), қызы — Эльвира Бельмадани (1979 жылы туған). Ильяс Храпунов Мұхтар Әблязовтың қызы Мадина Әблязоваға үйленген.^[3]