Висенте дель Боске

Висенте дель Боске Гонсалес, бірінші маркиз дель Боске (ис. Vicente del Bosque González, I marqués de Del Bosque; 23 желтоқсан, 1950, Саламанка) — испан футболшысы, бапкер. Бапкер ретінде Еуропа және әлем чемпионы, Чемпиондар лиасының жеңімпазы атанған. Тарихтағы ең табысты бапкерлердің бірі^[2].

Висенте дель Боске
Жалпы мағлұмат
Лақап аттары	Орманшы[1], Мистер Картошка, Усач
Туған күні	23 желтоқсан 1950 (1950-12-23) (74 жас)
Туған жері	Саламанка, Испания
Азаматтығы	Испания
Позиция	жартылай қорғаушы
Клуб жайлы ақпарат
Клуб	карьерасын аяқтады
Жастар клубы 1966—1968 Салмантино Клуб карьерасы[* 1] 1967—1984 Реал Мадрид 312 (14) 1967—1968 Плюс Ультра 11 (5) 1970—1971 →  Кастельон 13 (4) 1971—1972 →  Кордова 19 (1) 1972—1973 →  Кастельон 30 (5) Ұлттық құрамы[* 2] 1975—1980 Испания 18 (1) Бапкерлік карьерасы 1987—1990 Реал Мадрид B 1994 Реал Мадрид 1996 Реал Мадрид (м.а.) 1999—2003 Реал Мадрид 2004—2005 Бешикташ 2008—2016  Испания
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Дель Боске жайлы фактілер

• Футболшы карьреасын "Реал" сапында өткізді, бірақ бірнеше жылдар түрлі клубтарға жалға берілді. Ұлттық құрама сапында 1980 жылғы Еуропа біріншілігіне қатысты.
• Бапкер ретінде ғасырлар тоғысында біраз табыстарға жетті: 1999 жылы екінші рет "Реалға" бапкер боп тағайындалып, 2000 жылы Чемпиондар Лигасын ұтып алды. 2001 жылы Чемпиондар Лигасының жартылай фигалында "Бавариядан" ұтылды, есесіне Испания чемпионы атанды. 2002 жылы тағы да Чемпиондар Лигасында топ жарды, одан бөлек УЕФА суперкубогын, Құрлықаралық кубокты иеленді. 2002/03 жылғы Чемпиондар Лигасының маусымында жартылай финалда "Ювентустан" ұтылып қалды да, сол себепті клубтан кетті. Дель Боске мадридтік клубқа бапкер болған жылдары командада Роналдо, Зидан, Фигу секілді жұлдыздар доп тепті.
• 2006 жылы оны Мексика құрамасын баптауға шақырды, бірақ келісім бермеді ("Реалда" президент ауысып, жаңа президент бапкерлікке шақырып қалар" деп те күтті, бірақ ол үміті ақталмады".
• 2008 жылы Испания құрамасы Еуропа чемпионы атанды да 70 жастағы бапкер Луис Арагонес құрамадан кетіп, орнына Дель Боске шақырылды. Екі жылдан соң Әлем чемпионатын жеңіп алды, 2012 жылы Еуропа чемпионатын ұтты.
• 2012 жылдан соң құрама ойыны солғындай берді, 2013 жылы Конфедерациялар кубогында финалда Бразилиядан ұтылды, 2014 жылы топтық турнирден аса алмады. Дель Боске құрама барынша жаңартуға тырысса да, 2016 жылғы Еуропа чемпионатында 1/8 финалда Италиядан ұтылып қалды. Осы турнирден соң Дель Боске қызметтен босады.

Жетістіктері

Ойыншы ретінде

Реал Мадрид

• Испания чемпионы: 1974/75, 1975/76, 1977/78, 1978/79, 1979/80
• Испания кбуогы: 1973/74, 1974/75, 1979/80, 1981/82

Бапкер ретінде

Реал Мадрид

• Испания чемпионы: 2000/01, 2002/03
• Испания суперкубогы: 2001
• Чемпиондар Лигасы: 1999/00, 2001/02
• УЕФА суперкубогы: 2002
• Құрлықаралық кубок: 2002

Испания

• Әлем чемпионы: 2010
• Еуропа чемпионы: 2012
• Әлемнің үздік бапкері: 2012
• Конфедерациялар кубогының қола жүлдегері: 2009
• Конфедерациялар кубогының күміс жүлдегері: 2013.