Днепропетровск облысы

Днепропетровск облысы (укр. Дніпропетровська область) — Украинаның оңтүстік-шығысындағы әкімшілік-аумақтық бірлік. 1932 жылы 27 ақпанда құрылған. Әкімшілік орталығы және ең үлкен қаласы — Днепр.

Облыс Днепр өзенінің орта ағысында орналасқан. Солтүстігінде — Полтава және Харьков облыстарымен, шығысында — Донецк облысымен, оңтүстігінде — Херсон және Запорожье облыстарымен, батысында — Николаев және Кировоград облыстарымен шектеседі.

Ауданы — 31 923 км², халқы — 3 176 648 адам (2020). Экономикасының негізгі салалары — металлургия, машина жасау, химия өнеркәсібі және ауыл шаруашылығы.

Ұлы Отан соғысы жылдарында аймақ неміс оккупациясына ұшырап, 1943 жылы азат етілді. Қазіргі кезде облыс — Украинадағы ірі өнеркәсіптік және ғылыми орталықтардың бірі; мұнда жоғары оқу орындары, ғылыми-зерттеу институттары мен мәдени мекемелер орналасқан.

Дереккөздер