Кеген (ауыл)

Кеген — ауыл, Алматы облысы Кеген ауданы және Кеген ауылдық округі орталығы.

Ауыл
Кеген
Әкімшілігі
Ел	ҚазақстанҚазақстан
Статусы	Аудан орталығы
Облысы	Алматы
Ауданы	Кеген
Ауылдық округі	Кеген
Тарихы мен географиясы
Координаттары	43°01′02″ с. е. 79°13′31″ ш. б.43.01722° с. е. 79.22528° ш. б. / 43.01722; 79.22528 (G) (O) (Я)
Құрылған уақыты	1841
Бұрынғы атаулары	Бекет
Уақыт белдеуі	UTC+5:00
Тұрғындары
Тұрғыны	8 593[1] адам (2023)
Сандық идентификаторлары
Автомобиль коды	05
Кеген картада Кеген Кеген
Кеген шекарасы

 Басқа мағыналар үшін Кеген деген бетті қараңыз.

Географиялық орны

Облыс орталығы – Қонаев қаласынан оңтүстік-шығысқа қарай 276 км-дей жерде, Кеген өзенінің сол жағалауында, қожабидай, бетеге, т.б. астық тұқымдас шөптер өскен таудың қызыл қоңыр, қара топырақты даласында орналасқан.

Халқы

Саны (1999, 2009, 2021)^[2][3]

1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
8078	▲9049	▼8740	96,6	4379	▲4423	101	4670	▼4317	92,4

Тарихы

Іргесі 1841 жылы қаланып, "Бекет" деп аталған. Ұжымдастыру жылдарында "Құмтекей" ұжымшарының орталығы болды. 1963–1997 жылдары Кеген ауданының, Қызылту кеңшарының және Кеген ауылдық кеңесінің орталығы болып келді. Оның негізінде 1997 жылдан өндірістік кооперативтер, ЖШС-тер мен шаруа қожалықтары ұйымдастырылды. 1997-2022 жылдары Райымбек ауданының орталығы болды.

Инфрақұрылымы

Баспахана, тұрмыстық қызмет көрсететін комбинаты, сауда орталығы, клуб, мәдениет үйі, кітапханалар, 3 орта, 1 орталау мектеп, мектеп-интернат, аудандық аурухана, т.б. мекемелар бар. Кеген арқылы Алматы – Нарынқол, Алматы – Қарақол (Қырғызстанда) автокөлік жолдары өтеді.^[4]