Кинематография

Кинематография(гр. kіnematos – қозғалыс, гр. grapha – жазу) – кинофильмдерді шығару және оны көпшілікке көрсету ісімен шұғылданатын мәдениет пен экономиканың бір саласы, өнердің ең бұқаралық түрі (қ. Кино).

Кинофильмдерді шығару ісі киностудияларға шоғырландырылған. Кинотаспалар мен жабдықтарды жасаумен кино өнеркәсібі шұғылданады. Қазіргі заманда фильмдер кинотеатрларда, жылжымалы киноқондырғылар арқылы кішігірім залдарда, теледидарда, үй бейнемагнитофонында, компьютерде көрсетіледі, бейнекассета және бейнедиск арқылы көпшілікке таралады.^[1]