Клише

Клише(фр. clіche) – шығыңқы немесе ойық сурет бедерленген баспа қалыбы. Иллюстрацияларды (сурет, фотосурет, т.б.) полиграфиялық әдіспен қағаз бетіне түсіру құралы ретінде қолданылады. Ол қаріп биіктігімен бірдей етіп жасалады. Ағаш Клише (ксилогравюра) мен линогравюра тек аз тиражды көркем кітап басуда ғана кездеседі. Клише, көбінесе, мырыш пен жезден фотохимия немесе электрмехимия әдіспен дайындалады. Иллюстрациялық түпнұсқаның орындалу сипатына қарай Клише штрихты (чертеж, қаламұшпен салынған сурет, т.б.) және өңді (фотосурет, көркем сурет, т.б.) болып, ал бояу санына байланысты бір бояулы және көп бояулы болып бөлінеді.^[1]