Кінәз

Кінәз (славян. кънезь – көсем) – IX – XVI ғасырлардағы славян елдеріндегі (Русь, Польша, Чехия, Сербия) және Литвамен, Валахиядағы бір орталыққа бағынған және аймақтық мемлекеттік құрылымдар билеушісінің лауазымы. Русте, Литвада мемлекет билеушісі ұлы кінәз, қалғандары аймақтық кінәздер деп аталды. XVI – XVIII ғасырларда Ресей империясы және Польша – Литва корольдігі құрылғаннан кейін “Кінәз” атауы ақсүйектік атаққа айналды. Ресейде Кінәз атағы тұқым қуалады. XVIII ғ-дан бастап Рюрик әулетіне (Одаевский, Горчаков, Долгорукий, т.б.), Гедимин әулетіне (Голицын, Куракин, Трубецкой, т.б.), т.с.с. ірі әулет өкілдеріне беріліп отырды (тұңғыш рет А.Д. Меньшиков алды). Кінәз атағы 1917 жылы 10 (23) қарашада Кеңес үкіметі декретімен жойылды

Дереккөздер

Қазақ Энциклопедиясы, 11 - том