Олигархия

Олигархия (гр. ὀλιγαρχία – шағын топтың билігі, ὀλίγος – шағын және arche – өкімет, өктемдік) — басқарудың бір түрі^[1]; билік басында байлар отыратын мемлекеттік құрылыс; кішігірім бай адамдар тобының билігі.^[2]

Бұл жағдайда мемлекет билігі экономика жағынан күшті аз ғана топтың қолында болады, сондай-ақ ірі меншік иелері экономика билікке ғана емес, үлкен саяси ықпалға да ие болады. Олигархия деп басқарушы топтың өзін де атайды. Тарихта алғаш рет олигархия термині ежелгі грек авторларының (Аристотель, Полибий) еңбектерінде сол дәуірдегі аристократияның азғындауы нәтижесінде пайда болған мемлекет құрылысын сипаттау үшін қолданылған.