Паренхима

Паренхима^[1] (гр. parenchyma – жайынан құйылған), жануарларда – кейбір органдарда – бауыр, көкбауыр, бездердегі, өкпеде, т.б. негізгі қызмет атқарушы тін. Өсімдіктерде – ең негізгі ұлпа. Оның атқаратын негізгі қызметі – синтездеу және органик. заттардың қорын жинау. Паренхима клеткаларының вакуоляларында белок, май, антоциан, т.б. заттардың қоры жиналады. Мысалы, ксерофитті өсімдіктердің паренхимасында су, ал гигрофиттердің паренхимасында газ (аэренхима) жинақталады. Сондай-ақ паренхималарға арнайы белоктар, майлар, полисахаридтер, шайыр, эфир майларын синтездеуге бейімделген секреттік клеткалардың әр түрлі типтері де жатады. Паренхимада адамның тағамына және шаруашылық мақсатта қолданатын көптеген өсімдік тектес өнімдердің қоры жиналады.