Роман Александрович Головченко

Роман Александрович Головченко^[a] (10 тамыз 1973 жыл,^[1] Минск облысы) — кеңестік және беларусьтік дипломат, экономист, саясаткер және 4 маусым 2020 жылдан 10 наурыз 2025 жылға дейін Беларусь премьер-министрі болды.10 наурыз 2025 жылы Беларусь Республикасы Ұлттық банкінің басқарма төрағасы болып тағайындалды.^[2]

Роман Александрович Головченко белар. Раман Аляксандравіч Галоўчанка
Головченко, 2021 жыл
Лауазымы
Ту Беларусь Республикасы Ұлттық банкінің басқарма төрағасы Ту
10 наурыз 2025 жыл
Президент	Александр Лукашенко
Ізашары	Павел Каллаур
Ту Беларусь премьер-министрі Ту
4 маусым 2020 жыл — 10 наурыз 2025 жыл
Президент	Александр Лукашенко
Ізашары	Сергей Румас
Ту Беларусьтің Біріккен Араб Әмірліктеріндегі Төтенше және Өкілетті елшісі Ту
22 сәуір 2013 — 18 тамыз 2018
Президент	Александр Лукашенко
Өмірбаяны
Партиясы	Партиясыз
Білімі	1) Мәскеу халықаралық қатынастар мемлекеттік институты 2) Беларусь президентінің жанындағы Басқару академиясы
Мамандығы	дипломат, экономист
Дүниеге келуі	10 тамыз 1973 (1973-08-10) (52 жас) Жодино, Минск облысы, Белорус КСР, КСРО
Әкесі	Александр Николаевич Головченко
Балалары	3
Роман Александрович Головченко Ортаққорда
өңдеу

Жастық шағы және білімі

1973 жылғы 10 тамызда Жодино қаласында жалғыз бала болып дүниеге келген. Әкесі Александр Николаевич Головченко Беларусь политехникалық институтын бітіріп, Минск трактор зауытының конструкторлық бюросында инженер болып жұмыс істеді.^[3] Нағашы атасы да, өз атасы да Екінші дүниежүзілік соғыстың ардагерлері болған. Роман Головченко Жодинода 10 жасына дейін тұрып, ата-анасымен Минскіге көшіп, орта мектепті сонда бітірген.^[4] 1996 жылы ол Мәскеу халықаралық қатынастар мемлекеттік институтын және 2003 жылы Мемлекеттік басқару академиясын бітірген.^[5]

Мансабы

Ресей премьер-министрі Михаил Мишустин, Беларусь президенті Александр Лукашенко мен премьер-министрі Головченко, 2020 жыл

2013 жылы ол Біріккен Араб Әмірліктеріндегі Елші болып тағайындалды, содан кейін Катар, Кувейт және Сауд Арабиясында елдің атынан өкілдік етуге жауапты болды.^[1]

Оны қазіргі қызметіне президент Александр Лукашенко 2020 жылғы президенттік сайлауына екі ай қалғанда тағайындаған.^[6] Бұл қызметке тағайындалғанға дейін ол Мемлекеттік әскери-өнеркәсіптік комитетінің төрағасы қызметін атқарған. Ол 2020 жылғы 17 тамызда, 2020 жылғы Беларусь наразылықтары кезінде министрлер кабинетінің ауысуы кезінде отставкаға кетуді ұсынды.^[7]

2022 жылғы маусымда Головченко Канаданың қара тізіміне енді.^[8]

Өз өмірі

Роман Головченко үйленген, бір ұлы және екі қызы бар.^[1] Екі қызының Головченконың екінші некесінен туғаны белгілі.^[4] Головченконың өзі ағылшын, араб, неміс, поляк тілдерін меңгерген.^[9]

Марапаттары

Роман Головченконың барлық марапаттары:

• «Татар Автономиялы Кеңестік Социалистік Республикасының құрылуына 100 жыл» медалі (2021, Татарстан, Ресей);
• Халықтар Достығы ордені (2022, Башқұртстан, Ресей).^[10]

Қосымша ақпарат

1. белар. Раман Аляксандравіч Галоўчанка, [ra'man alʲak'sandravʲit͡ʂ ɣa'ɫɔwt͡ʂɛnka]; орыс. Роман Александрович Головченко, [rɐˈman ɐlʲɪˈksandrəvʲɪt͡ɕ ɡəɫəft͡ɕʲenkə]