Сарыасия

Сарыасия (өзб. Sariosiyo/Сариосиё) — қала типтес елді мекен (1983 жылдан), Өзбекстанның Сұрқандария облысы Сарыасия ауданының әкімшілік орталығы. Халқы: 14300 адам (2000).

Сарыасия Термезден 150 шақырым жерде Сұрхон-Шерабат жазығында орналасқан. Сарыасия теміржол стансасынан 8 шақырым жерде. Ауылдың өзі Термезді Душанбемен байланыстыратын М41 тас жолының бойында орналасқан. Сарыасия — аудан шаруашылықтарының өнімін жинап, сақтайтын, өңдейтін, тасымалдайтын агроөнеркәсіптік орталық. Ауылда егін базары да бар.^[1]

Мұнда жалпы білім беретін мектептер, колледждер, арнайы мектеп-интернаттар, мәдениет үйлері, стадиондар, ауруханалар, дәріханалар және басқа да емдеу мекемелері орналасқан.