Синоптикалық метеорология

Синоптикалық метеорология (немесе синоптика) (гр. synopticos - жаппай шола алатын) - метеорологияның ауа райы өзгерістеріне себепші болатын атмосфералық процестерді зерттейтін бөлімі. Ауа райын болжау проблемаларымен де айналысады. синоптикалық метеорологияның негізгі әдісі — синоптикалық карталарды талдау арқылы атмосферада орын алуы мүмкін процестердің бағыты мен сипатын анықтау. синоптикалық метеорология, әсіресе XX ғасырдың екінші жартысынан бастап Жер серіктері мен ғарыш кемелері арқылы атмосфера жайында жаңа мағлұматтар көптеп жиналуына байланысты қарқынды дамыды.^[1][2]