Трапеция

Трапеция (от көне грекше: τράπέζιου — «үстел»; τράπεζα — «дастарқан, ас, тамақ») деп тек қарама–қарсы екі қабырғасы параллель, ал қалған екі қарама-қарсы қабырғалары қиылысатын төртбұрышты айтады.

Трапеция

Параллель қабырғалары трапецияның табандары деп аталады, басқа екі қабырғасы бүйір қабырғалары деп аталады, ал бүйір қабырғаларының орталарын қосатын кесіндіні трапецияның орта сызығы деп атайды.

Трапецияның қасиеттері

1. Трапецияның орта сызығы оның табандарына параллель және сол табандардың қосындысының жартысына тең болады.
2. Егер трапеция тең бүйірлі болса онда оның диагональдары және табанындағы бұрыштары тең болады.
3. Егер трапеция тең бүйірлі болса, онда оған сырттай шеңбер сызуға болады.
4. (3-ке кері.) Егер трапецияға сырттай шеңбер сызуға болатын болса, онда ол тең бүйірлі.^[1]

Трапеция ауданы былай есептеледі

${\displaystyle A={\frac {1}{2}}h(a+b)}$

Ал орта сызығы

${\displaystyle m={\frac {1}{2}}(a+b).}$