Фернандо Морьентес

Фернандо Морьентес Санчес (исп. Fernando Morientes Sánchez;) — Испания құрамасының футболшысы, 1976 жылы 5 сәуірде Касерес қаласында дүниеге келген^[1]. ""Реал"", "Монако", "Ливерпуль", "Валенсия", "Марсель" клубтарында жәні Испания ұлттық құрамасында өнер көрсеткен.

Фернандо Морьенте Санчес
Жалпы мағлұмат
Лақап аттары	El Moro (Мавр)
Туған күні	5 сәуір 1976 (1976-04-05) (49 жас)
Туған жері	Сильерос, Испания
Азаматтығы
Бойы	182
Салмағы	78
Позиция	шабуылшы
Клуб жайлы ақпарат
Клуб	карьерасын аяқтады
Жастар клубы Сонсека 1992—1993 Альбасете Клуб карьерасы[* 1] 1993—1995 Альбасете 22 (5) 1995—1997 Реал Сарагоса 66 (28) 1997—2005 Реал Мадрид 182 (72) 2003—2004 →  Монако 28 (10) 2005—2006 Ливерпуль 41 (8) 2006—2009 Валенсия 66 (19) 2009—2010 Олимпик (Марсель) 12 (1) 2015 Санта-Ана 3 (0) 1993—2015 Барлығы 420 (143) Ұлттық құрамы[* 2] 1993—1994 Испания-18 12 (10) 1995 Испания-19 4 (4) 1995—1998 Испания-20 5 (0) 1996 Испания-21 13 (2) 1998—2007  Испания 47 (27) Бапкерлік карьерасы 2012 Уракан жастары 2012—2014 Реал Мадрид жастары 2015—2016 Фуэнлабрада
Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. Ресми матчтарда ұлттық құрамда болған ойындары мен голдар саны.
Бұл үлгіні: көру • талқылау • өңдеу

Өмірбаяны

1993 жылы 7 қарашада тұңғыш рет "Альбасете" — "Тенерифе" кездесуінде алаңға шықты. 1995 жылы "Альбасетеден" "Сарагосаға" ауысты. 1997 жылы Мадридтің "Реалына" шақырту алды да, корольдық клуб сапында әйгілі хорватиялық Давор Шукермен бірге шабуыл шебінде өнер көрсетті.

1998 жылы 25 наурызда алғаш рет Ұлттық Құрама сапында алаңға шықты. 1998, 2000, 2002 жылдары Чемпиондар Лигасының жеңімпазы атанды. "Реалға" Роналдо келген соң Морьентес көбіне қосалқы құрамда қалып кете берді. Сол себепті де келесі жылы "Реалдан" кетті.

Ол "Монако" сапында жасындай жарқылдады. УЕФА Чемпиондар Лигасының 2003-04 жылғы маусымындағы ширек финалда бұрынғы клубы "Реалға" екі рет гол соқты да, байырғы командаластарын жарыстан шығарып жіберді. 2004 жылы жазда командаға қайта шақырылғанымен, бәрібір "Реал" сапындағы Дэвид Бекхэм, Роналдо, Майкл Оуэн секілді жұлдыздардан бұған орын да босамады. Кейінгі жылдары "Ливерпуль" (2005-2006), "Валенсия" (2006-2008), "Марсел" (2008-2010) командаларында өнер көрсеткен талантты футболшы 2010 жылы 34 жасында карьерасын тәмамдады.

Жетістіктері

Командалық

• Үш дүркін Чемпиондар Лигасының жеңімпазы — 1998, 2000, 2002
• Екі дүркін Құрлықаралық кубоктың жеңімпазы — 1998, 2002
• Еуропа Суперкубогының иегері — 2002
• Испания чемпионы — 2001, 2003
• Франция чемпионы — 2009

Жеке жетістігі

• 2003-04 жылғы Чемпиондар Лигасының үздік мергені