Фолкленд аралдары

Фолкленд аралдары (ағылш. Falkland Islands немесе Мальвина аралдары (ис. Islas Malvinas ) — Оңтүстік Америка құрлығының қиыр оңтүстікнің шығыс жағалауында, Атлант мұхитында орналасқан топарал. Ұлыбританияның иелігінде. Жер аумағы 12,2 мың км². Екі ірі аралдан — Батыс Фолкленд (Гран-Мальвина), Шығыс Фолкленд (Соледад) және 200-ге жуық шағын аралдардан тұрады.

Фолкленд аралдары ағылш. Falkland Islands
Байрақ Елтаңба
Ұран: «Desire the Right» «Дұрысты қала»
Әнұран: «God Save the King» «Құдайым, Патшаны сақта»
Мемлекеттік құрылымы
Ресми тілі	ағылшын тілі
Елорда	Порт-Стэнли
Ірі қаласы	Порт-Стэнли
Үкімет түрі	Унитарлы конституциялық монархия, Британияның теңіздің арғы жағындағы аймақтары
Патшасы Губернаторы Премьер-министрі	III Чарльз Найджел Филлипс Риши Сунак
Мемлекеттік діні	зайырлы мемлекет
Географиясы
Жер аумағы • Барлығы	12 173 км²
Жұрты • Сарап (2012) • Тығыздығы	2840[1] адам 0,23 адам/км²
Экономикасы
Валютасы	Фолкленд аралдары фунты (£) (FKP)
Қосымша мәліметтер
Интернет үйшігі	.fk
ISO коды	FK
ХОК коды	FLK
Телефон коды	+500
Уақыт белдеулері	UTC-3

Негізгі екі арал төбелі жазықты келеді, ең биік жері — 705 м (Асборн тауы), жағалаулары қатты тілімделген, қолайлы теңіз қойнаулары көп. Климаты қоңыржай мұхиттық салқын, үнемі еспе жел соғады. Орташа темературасы қаңтарда (жаз) 15°С, ал шілдеде (қыс) 2°С, жылдық жауын-шашын мөлш. 700 мм. Қатал климат жағдайындағы өсімдік жамылғысы, негізінен шөптесінді және аласа бұталы. Жануарлардан теңіз сүтқоректілері мен құстың көптеген түрлері кездеседі. Пингвиндер, дельфиндер, кит, теңіз бахтағы, т.б. балық түрлері мол. Халқы 2,9 мың адам, негізінен ағылшын, шотланд, француздардан құралады. Фолкленд аралдары 1592-ші жылы ағылшын теңізшісі Дж. Дейвис ашқан. 1764-ші жылы оны Франция отарлады, кейіннен Испанияға берілді. 19-шы ғасырдың 20-шы жылдары Аргентина бақылауына өтті. 1833-ші жылы аралдарды Ұлыбритания жаулап алып, ағылшын әскери базасын орналастырды. 1982-ші жылы Фолкленд аралдары үшін Аргентина мен Ұлыбритания арасында әскери қақтығыс болды. Бұл соғыс Ұлыбританияның аралдарға толық иелік орнатуымен аяқталды. Фолкленд аралдары экономикасының негізі — мал шаруалығының өнімдері (қой еті, жүні, терісі), балық және теңіз аңдары кәсіпшілігі. Әкімшілік орталығы — Порт-Стэнли қаласы