Шеру

Шеру жорық, әскери салтанат.

1. Түркі халықтарының тарихында сап түзеген қалың қолды немесе жорықты атаған. Мысалы, “...неше мың шеру әскер алып аттанды” (“Ер Тарғын”);
2. жортуыл, аттаныс, салтанатты көш. “Көшу сапарын жортуылға, шеру мен аттанысқа ұқсатады” (М.Әуезов). Көшпелі елде, қазақта “шерулі көш” деген де ұғым бар. Мұнда көш сырнай, қобыз тартылып, ән шырқалып, думанмен өтеді;
3. әскердің әскери техникамен салтанатты түрде өтуі (қ. Әскери шеру);
4. әр түрлі ұжымдардың арнайы мерекелерге байланысты шеруі;
5. цирк пен театрда қойылымның алдында және соңында сахнаға қатысушылардың көрермен алдына шығуы.^[1]