Өре

Өре –

1. құрт, ірімшік, т.б. тағамдар кептіруге арналған сөре. Ағаштан жасалған.
   Негізгі бөліктері:
   1. төрт тіреу ағаш;
   2. екі қысқа, екі ұзын жанағаш.
   Тіреуіш ағаштарды жерге қаққаннан кейін, екі ұзын жанағашты ашаларға кигізіп, олардың басына қысқа жанағаштарды көлденең орналастырып, жіппен немесе қайыспен біріктіреді. Үстіне ши жабады. Дайын болған соң бетіне кептірілетін тағамдар қойылады. Ерте кездері жанағаштардың бір жақ шетін киіз үй маңдайшасына тіреп, екінші басын екі тіреулік ағаштарға да бекіткен.
2. Жылқының алдыңғы және артқы аяғына салынатын тұсаудың түрі. Оны қылдан, қайыстан өріп, түйіп жасайды. Жылқының аяғына зақым келтірмес үшін астар салынады. Жылқыны өрелегенде Өренің бір шетін аттың оң аяғына, ал екінші шетін айқастырып аттың артқы сол аяғына салады. Дәстүрлі қазақ қоғамында ас бергенде, той жасағанда ауыл шетіне келген қонақтардың аттарын байлайтын діңгек ағаштарға арқан керіледі. Мұны да кейде Өре деп атайды.

^[1]