Time

Time (ағылш. Time – «Уақыт»; сауда маркасы ағылшынша үлкен әріптермен жазылады: TIME) — штаб-пәтері Нью-Йоркта орналасқан, апта сайын шығатын журнал. Ең алғаш рет Time журналы 1923 жылы 3 наурызда шыққан болатын. Таралымы 3,4 миллион дананы құрайды. 2007 жылдан бастап АҚШ-ғы ең танымал басылымы. Басты мақалалары: Жыл адамы, Жылдың 100 адамы, 20 ғасырдың 100 адамы. Экономика, спорт, денсаулық, саясат, сән тақырыптарындағы мақалаларды жариялайтын мерзімді басылым. Лондон қаласында журналдың Time Europa (бұрын Time Atlantic) деген нұсқасы шығады. Гонконгта Time журналының Time Asia деген азиялық нұсқасы шығарылады. Сиднейде журналдың Австралия, Жаңа Зеландия және Тынық мұхиты аймағына арналған нұсқасы шығады. 2008 жылдың желтоқсанына дейін журналдың Time Canada деген Канадалық нұсқасы шыққан болатын.

Time
ағылш. Time
АҚШ-ның Өкілдер палатасының спикері Джозеф Гурни Кэннонның портреті бар журналдың алғашқы санының мұқабасы.
Мамандануы	жаңалықтар
Мерзімділік	апта сайын
Тілі	ағылшын
Бас редактор	Нэнси Гиббс
Құрылтайшылары	Брайтон Хэдден, Генри Люс
Ел	АҚШ
Баспашы	Time Inc.
Құрылған уақыты	1923 жыл
ISSN	0040-781X
Сайты	time.com
Ортаққордағы медиафайлдар

2012 жылы Time журналының таралымы 3,3 миллион дананы құрай алды. Бұл жетістік журналды АҚШ журналдарынң таралымы бойынша 11-ші орынға шығара алған болатын. 2017 жылдың шілдесінде оның таралымы 3 028 013 болды және жылдың соңына қарай 2 миллионға дейін қысқарды. Журналдың баспа нұсқасының 26 миллион оқырманы бар, оның 20 миллионы американдықтар болып табылады. Бұрын Нью-Йорктегі Time Inc. баспасы шығарған болатын. 2018 жылдың қараша айынан бастап Time журналын TIME USA, LLC шығарады, оның иесі Марк Бениофф, оны Meredith Corporation корпорациясынан сатып алған болатын.

Айналым

2009 жылдың екінші жартыжылдығында журналда газет дүңгіршектерінің сатылымы 34,9%-ға төмендеді.^[1] 2010 жылдың бірінші жартыжылдығында Time журналының сатылымының кем дегенде үштен бір бөлігіне тағы бір төмендеу орын алды. 2010 жылдың екінші жартысында Time журналының газет дүңгіршектерінің сатылымы шамамен 12%-ға төмендеп, аптасына 79 000 данадан сәл асатын болды.

2012 жылғы жағдай бойынша оның таралымы 3,3 миллион болды, бұл оны АҚШ-дағы ең көп таралатын 11-ші журналға және People журналынан кейінгі екінші ең көп таралатын апталық журналға айналдырды.^[2] 2017 жылдың шілде айындағы жағдай бойынша оның таралымы 3 028 013 дана болды. 2017 жылдың қазан айында Time өзінің таралымын екі миллионға дейін қысқартты.^[3] Қазіргі уақытта Time басылымының 1,3 миллион баспа және 250 000 цифрлық жазылушысы бар.^[4]