![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d4/Ovibos_moschatus.jpg/640px-Ovibos_moschatus.jpg&w=640&q=50)
Umimmak
From Wikipedia, the free encyclopedia
Umimmak / ummik (Ovibos moschatus) uumasuuvoq itsarsuarmiilli uumasuusimasoq; uumasutoqarsuuvoq. Umimmak savap ussiullu akornanniittutut oqaatigineqarsinnaavoq. Inuussutissaqarpianngikkaluami najoruminaakkaluamilu uumaniallaqqissuuvoq pinertoorujussuullunilu. Umimmak inerilluarsimasoq qununavissunik nassussuaqarpoq 350 kiilullu missiliorlugit oqimaassuseqarluni.
![Thumb image](http://upload.wikimedia.org/wikipedia/commons/thumb/d/d4/Ovibos_moschatus.jpg/320px-Ovibos_moschatus.jpg)
Kitaani illoqarfik Kangerlussuaq nunarsuarmi umimmaqarnerpaavoq. Tamaani umimmaat 5.000 missaanniipput. Kitaani umimmaqaqqaarsimanngikkaluarpoq, 1960’ikkulli aallartilaarneranni umimmaat inuusuttut 20-t missaat Tunumiit Kangerlussuarmut nuunneqarput. Tamaani tupinnaannavissumik ingerlalluarput, umimmaallu taamanikkumiilli amerliartuinnavissimallutik.
Umimmaat ataatsimoorumatuujupput, taamaattorli utoqqartaat ilaminnit avissaartitaasimasut ilaaneeriarlutik Kangerlussuarmi illunut qanillivissinnaasarput, allaallumi ilaannikkut umimmaat tamaani mittarfimmiit peersinneqartariaqartarlutik.