ដាកា

ដាកា (វូឡូហ្វ : Ndakaaru) គឺជារដ្ឋធានី និងជាទីក្រុងធំបំផុតរបស់សេណេហ្គាល់ ។ ផ្នែកនៃក្រុងដាកាមានប្រជាជនចំនួន ១,២៧៨,៤៦៩ នាក់ ហើយចំនួនប្រជាជននៃតំបន់ទីប្រជុំជនដាកា មានចំនួន ៤លាននាក់ក្នុងឆ្នាំ ២០២៣ ។ ដោយគ្រប់ដណ្ដប់លើផ្ទៃដី ៧៩.៨៣គីឡូម៉ែត្រការ៉េ ។ ទីក្រុងនេះស្ថិតនៅលើឧបទ្វីបខេបវើត ដែលជាចំនុចខាងលិចបំផុតនៃទ្វីបអាហ្វ្រិកដីគោក ។ ខេបវើត ត្រូវបានអាណានិគមព័រទុយហ្គាល់ នៅដើមសតវត្សទី១៥ ។ ជនជាតិព័រទុយហ្គាល់បានបង្កើតវត្តមាននៅលើកោះហ្គូរី (Gorée) នៃឆ្នេរសមុទ្រខេបវើត ហើយបានប្រើវាជាមូលដ្ឋានសម្រាប់ពាណិជ្ជកម្មទាសករអាត្លង់ទិក ។ ប្រទេសបារាំង បានកាន់កាប់កោះនេះក្នុងឆ្នាំ១៦៧៧។ បន្ទាប់ពីការលុបបំបាត់ពាណិជ្ជកម្មទាសករ និងការបញ្ចូលបារាំងនៃតំបន់ដីគោកក្នុងសតវត្សទី១៩ ទីក្រុងដាកា បានរីកចម្រើនទៅជាកំពង់ផែក្នុងតំបន់ដ៏សំខាន់ និងជាទីក្រុងដ៏សំខាន់នៃអាណានិគមបារាំង ។ នៅឆ្នាំ១៩០២ ទីក្រុងដាកា បានជំនួសទីក្រុងសៃល្វីស (Saint-Louis) ជារដ្ឋធានីនៃអាហ្វ្រិកខាងលិចរបស់បារាំង ។ ពីឆ្នាំ១៩៥៩ ដល់ឆ្នាំ១៩៦០ ដាកាគឺជារដ្ឋធានីនៃសហព័ន្ធម៉ាលី ដែលមានអាយុកាលខ្លី ។ នៅឆ្នាំ១៩៦០ វាបានក្លាយជារដ្ឋធានីនៃសាធារណរដ្ឋសេណេហ្គាល់ឯករាជ្យ។ ទីក្រុងដាកា នឹងធ្វើជាម្ចាស់ផ្ទះកីឡាអូឡាំពិកយុវជនរដូវក្តៅឆ្នាំ២០២៦ ។

ទិដ្ឋភាពជើងមេឃនៃទីក្រុងដាកា

ឯកសារយោង