ប្រលេឡូក្រាម

ប្រលេឡូក្រាម ជាប្រភេទចតុកោណដែលមានជ្រុងស្រប ២ គូ។ គ្រប់ជ្រុងឈមនៃប្រលេឡូក្រាម (ជ្រុង ២ ដែលនៅឆ្ងាយ ផ្ទុយពីគ្នា និងមិនប៉ះគ្នា) តែងតែស្របគ្នានិងមានប្រវែងស្មើគ្នា នោះគ្រប់មុំឈមនៅក្នុងប្រលេឡូក្រាមនោះក៏មានរង្វាស់ស្មើគ្នា។ ពាក្យថា "ប្រលេឡូក្រាម" គឺបានមកពីពាក្យភាសាក្រិច "parallēló-grammon" ដែលមានន័យថា រាងនៃជ្រុងស្រប។

លក្ខណៈ

• អង្កត់ទ្រូងរបស់ប្រលេឡូក្រាមកាត់គ្នាត្រង់ចំនុចកណ្តាល។ ចំនុចនោះជាផ្ចិតឆ្លុះផង និងជាទីប្រជុំទំងន់ផង។
• ជ្រុងឈមគ្នា ស្របគ្នានិងមានប្រវែងស្មើគ្នា។
• មុំឈមគ្នាមានប្រវែងស្មើគ្នា។
• មុំជាប់គ្នាជាមុំបន្ថែមគ្នា។
• អង្កត់ទ្រូងទាំង២ខ័ណ្ឌចែកប្រលេឡួក្រាមជាត្រីកោណ៤ ដែលមានក្រលាផ្ទៃស្មើគ្នា។

លក្ខណៈសំគាល់

លក្ខណៈដូចរៀបរាប់តទៅនេះ មានលក្ខណៈគ្រប់គ្រាន់ស្មើគ្នា ក្នុងការបង្ហាញថាចតុកោណ ១ជាប្រលេឡួក្រាម។

• ចតុកោណដែលមានជ្រុងឈមស្របគ្នា២ៗ។
• ចតុកោណប៉ោងដែលមានជ្រុងឈមគ្នាមានប្រវែងស្មើគ្នា២ៗ។
• ចតុកោណដែលមានអង្កត់ទ្រូងកាត់គ្នាត្រង់ចំនុចកណ្តាល។
• ចតុកោណប៉ោងដែលមានមុំឈមគ្នាស្មើគ្នា២ៗ។
• ចតុកោណប៉ោងដែលមានជ្រុងជាប់គ្នាជាមុំបន្ថែមគ្នា។
• ABCD ជាប្រលេឡួក្រាមកាលណា ${\displaystyle {\vec {AB}}={\vec {DC}}}$

ចំនាំ

ចតុកោណស្មើ ចតុកោណកែង ការ៉េ ជាប្រលេឡូក្រាមពិសេស។

រូបមន្ត

ក្រលាផ្ទៃ

• ${\displaystyle S=a\cdot b\cdot \sin {\alpha }}$
• ${\displaystyle S=a\cdot h_{1}=b\cdot h_{2}}$
• ${\displaystyle S={\dfrac {1}{2}}(d_{1}\cdot d_{2}\cdot \sin {\theta })}$

បរិមាត្រ

• ${\displaystyle P=2\cdot (a+b)}$

ផ្សេងទៀត

• ${\displaystyle d_{1}={\sqrt {a^{2}+b^{2}+a\cdot b\cdot \cos {\alpha }}}}$
• ${\displaystyle d_{2}={\sqrt {a^{2}+b^{2}-a\cdot b\cdot \cos {\alpha }}}}$
• ${\displaystyle h_{1}=b\cdot \sin {\alpha }}$
• ${\displaystyle h_{2}=a\cdot \sin {\alpha }}$
• ${\displaystyle {d_{1}}^{2}+{d_{2}}^{2}=2(a^{2}+b^{2})}$