ប្រវត្តិវិទ្យា

ប្រវត្តិវិទ្យាគឺជាការសិក្សាអំពីហេតុការណ៍ ព្រឹត្តិការណ៍ បទពិសោធន៍អតីតកាលរបស់មនុស្សជាតិដោយពឹងផ្អែកលើកំណត់ត្រា និសក្ខីកម្មសម្រាប់សហសម័យ។ ម្យ៉ាងទៀតគឺជាវិជ្ជាសិក្សាអំពីអតីតកាលមនុស្សជាតិ និងសង្គមមនុស្ស ដែលប្រវត្តិវិទូព្យាយាមកសាងឡើងវិញ និងបកស្រាយឡើងវិញ ដោយផ្អែកលើកំណត់ត្រា និងសក្ខីកម្មសម្រាប់សហសម័យ។

គុណតម្លៃនៃប្រវត្តិវិទ្យា[១]

តម្លៃអប់រំ

1. ផ្តល់ចំណេះដឹងដល់អ្នកសិក្សាឱ្យយកគំរូរល្អ៖ បទពិសោធន៍អតីកាល ដែលមានភាពប្រទាក់ក្រឡាគ្នាអាចធ្វើឱ្យអ្នកអានជក់ចិត្ត និងអាចយកទៅនិទានប្រាប់ដល់មិត្តភក្តិកូនចៅជំនាន់ក្រោយ ដើម្បីប្រកាន់យកគំរូល្អ និងជៀសវាងគំរូអាក្រក់។
2. ផ្តល់ចំណេះដឹងដល់អ្នកសិក្សាឱ្យមានឧត្តមគតិជាតិនិយម បណ្តុះគំណិតស្នេហាជាតិ និងមានឆន្ទះការពារជាតិមាតុភូមិ។

តម្លៃជាវប្បធម៌

1. ផ្តល់ចំណេះដឹងឱ្យអ្នកសិក្សាឱ្យស្គាល់ស្គាល់ពីអត្តសញ្ញាណជាតិ និងអន្តរជាតិ។
2. បណ្តុះស្មារតីស្នេហាបេតិកភណ្ឌជាតិ និងអន្តរជាតិ។
3. បណ្តុះស្មារតីទទួលស្គាល់រាល់ការព្រឹត្តឹរបស់ខ្លួន។
4. បង្កើតការយល់ដឹងអំពីអតីតកាល ដើម្បីរៀបចំអនាគតឱ្យបានល្អប្រសើរឡើង និងជៀសវាងគំហុសច្រំដែល។

តម្លៃសីលធម៌

1. បណ្តុះមនោសញ្ចេតនាសាមគ្គីជាតិ និងអន្តរជាតិ។
2. បង្កើតទំនាក់ទំនងល្អជាសកល។
3. បណ្តុះស្មារតីកតញ្ញូកតវេទី កោតសរសើរនិងយកគំរូល្អរបស់បុព្វបុរស ដើម្បីធានាបាននិរន្តរភាព និងសុខដុមភាពនៃប្រជាជាតិខ្លួន។
4. បណ្តុះគំនិតត្រិរិះពីចំនុចខុសឆ្គង និងភាពខ្វះខាតរបស់បុព្វបុរស ដើម្បីពិចារណារកផ្លូវវិជ្ជមានសម្រាប់ជាតិ និងក្លាយជាពលរដ្ឋល្អប្រកបដោយការទទួលខុសត្រូវ។