វត្តសូរសែន្យ

ប្រវត្តិនៃវត្តសូរសែន្យ

វត្តសូរសែន្យមានមកជាយូរមកហើយតាមភស្តុ័តាង បន្សល់ទុក ឃើងថ្មដែលគេឆ្លាក់ធ្វើជាសន្លឹកសីមា សរសេរខឿន ដុំថ្មឬសសីមា នឹងបំនែកបដិមាខ្លះ គឺថ្មសម័យអង្គរ ដូច្នេះបញ្ជាក់ថាវត្តសូរសែន្យ កើតនៅសម័យអង្គរ។

បច្ចុប្បន្ននេះ ទីវត្តសូរសែន្យចាស់នោះត្រូវបែកបាក់ខ្ទេចខ្ទីរ ហើយរុសរើមកធ្វើនៅខាងកើតសំណង់ចាស់ចម្ងាយ ៣០០ ម៉ែត ។តាមចាស់ៗ ដឹង នឹងនិទានតៗមកថា វត្តសូរសែន្យនេះ ជាឈ្មោះនៃមេទ័ពក្លាហានម្នាក់ដែលបានបូជាជីវិតដើម្បីការពារមាតុភូមិហើយបាន បង្កបង្កើតវត្តសូរសែន្យនេះឡើយ ហើយលោកបានមរណៈកាលនៅទីនេះ ប្រជាពលរដ្ឋ ពុទ្ធបរស័ទមានការគោរពបូជារហូតមកដល់សព្វថ្ងៃនេះ។

ព្រះចៅអធិការវត្ត

វត្តដែលរុសរើសមកកសាងថ្មីនេះ មានព្រះចៅអធិការចំនួន ៤ ហើយ គឺព្រះសពព្រះនាម៖

ព្រះសពព្រះនាម ប្រឹម មុំ
ព្រះនាម ម៉ៅ សំរិទ្ធ
ព្រះនាម សឿ អំ
ព្រះនាម ប៉ុល មាន់

តាមការដឹកនាំរបស់ព្រះសពទាំងបួនព្រះអង្គនេះ ឃើញស្នាដៃជាច្រើន ដែលជាសមិទ្ធិផលសំខាន់គឺៈ

វិហារ សាលាបុណ្យ កុដិ សាលាបាលី ចេតិយ៍ សាលាបឋមសិក្សា ផ្លូវថ្នល់ ស្ពាន អណ្តូងទឹក ស្រះ ដាំដើមឈើរជាច្រើន របង ខ្លោងទ្វា ។ល។
បានបណ្តុះបណ្តាលប្រជាពលរដ្ឋ អោយសិក្សារៀនសូត្រចំណេះដឹងទូទៅ រៀនសូត្រធម៌ អោយថ្វាយខ្លួនជាឧបាសក ឧបាសិកាជាច្រើន។
បានបង្រៀន សមាធិ សមថ វិបស្សនា ចំពោះយោគីបុគ្គលជាច្រើននាក់។
បានអប់រំទូន្មាន ប្រៀនប្រដៅអោយមានសាមគ្គីភាព រវាងគ្នានឹងគ្នា។
ចូលរួមកសាងមាតុភូមិយ៉ាងច្រើនរហូតបានទទួលមេដៃស្ថាបនាជាតិ ពីព្រះមហាក្សត្រ។