ស្ពៃក្ដោប

ស្ពៃក្ដោប គឺជាដំណាំមួយប្រភេទដែលដាំយកធាង ឬស្លឹក ទៅធ្វើជាចំណីចំណុកអាហារជាអន្លក់ឬប្រើការជ្រក់ក៏បាន ស្ពៃក្ដោបជាបន្លែមួយប្រភេទ ដែលប្រជាកសិករខ្មែរពេញនិយមដាំនិងយកទៅទទួនទាន។ ដំណាំប្រភេទនេះគេតែងតែដាំនៅតាមតំបន់ដីល្បាប់មាត់ទន្លេ និងតំបន់ដីក្រហមខ្ពង់រាប ព្រោះដីទាំងអស់នោះសម្បូរជីជាតិល្អ ដែលនាំឲ្យស្ពៃក្ដោបលូតលាស់បានល្អ។ ដោយសារស្ពៃក្ដោប ត្រូវការអាកាសធាតុត្រជាក់គេដាំចាប់ពីខែតុលា ដល់ខែកុម្ភៈ។ ស្ពៃក្ដោប ជាដំណាំមួយប្រភេទដែលមានប្រភពកំណើតមកពី ទ្វីបអឺរ៉ុប ។

ស្ពៃក្តោបជាស្ពៃបែបលក្ខណៈក្រញាញ់រាងមូលដែលផ្នែកផ្ទៃខាងក្នុងរបស់ស្ពៃមានពណ៌ស ហើយខាងក្រៅមានពណ៌បៃតងខ្ចី

ទោះបីប្រភេទស្ពៃក្ដោប មានប្រភពដើមចេញពីទ្វីបអ៊ឺរ៉ុបក៏ដោយ គេបានយកពូជស្ពៃក្ដោបមកដាំដើម្បីបំពេញតំរូវការទីផ្សារនៅក្នុងប្រទេសនីមួយៗនៅលើពិភពលោកបច្ចុប្បន្ន ។ ស្ពៃក្ដោប ជាទូទៅមានពូជ ៣ប្រភេទ ដូចជា ពូជស្លឹកពណ៌ស្វាយ ពូជស្លឹកពណ៌ស និង ពូជស្លឹកពណ៌ក្រហម ។ ដំណាំស្ពៃក្ដោប គេតែងតែដាំនៅរដូវត្រជាក់។^[១] ស្ពៃក្តោបគឺជាអាហារសម្បូរដោយសម្បូរវីតាមីនK វីតាមីនC។ ការផលិតស្ពៃក្តោបផ្សេងទៀតនៅលើពិភពលោកក្នុងឆ្នាំ២០២០ មានចំនួន ៧១លានតោនដែលដឹកនាំដោយប្រទេសចិនជាមួយនឹង ៤៨% នៃចំនួនសរុប។